USD
ТОКИО. 20 ақпан. Жапония тағы да Украинаға орасан зор көп мөлшерде ақшалай көмек беру жөнінде шешім қабылдады. Бұл туралы «Украинская правда» ақпарына сүйенген rast.kz хабарлайды.
«Украина Жапонияның макроқаржылық, гуманитарлық және санкциялық қолдауларын ұдайы сезініп келеді», – делінген хабарламада.
Токио биылғы жылы жалпы сомасы $12,1 млрд жәрдем ұсынады, мұның $4,7 млрд-ын Киев ақпан айының соңына дейін алып үлгереді. Бұл Жапония премьер-министрі Фумио Кишида мен украин үкіметінің басшысы Денис Шмыгальдың 19 ақпанда бұқаралық ақпарат құралдарының өкілдері алында сөйлеген сөздері арқылы белгілі болды.
«Біз екі жақты ынтымақтастық қарым-қатынастың кең ауқымды мәселелерін талқыладық, соның ішінде визалық режимді ырықтандыру, сауданы жандандыру, Ресейге санкциялық қысымды жалғастыру бар», – деді Шмыгаль.
Саясаткерлер бұдан бөлек, соғыстан кейін Украинаны қалпына келтіру мәселесіндегі ынтымақтастық бағытын талқылап, ықпалдасу жөніндегі келісімді жаңарту және инвестицияларды қорғау жайында келісім жасасты.
