USD
АЛМАТЫ. 23 мамыр. Ертең Алматы қаласының әкімі Ерболат Досаевтың қызметінен кететіні жайлы әңгіме тарап жатыр. Бұл туралы Orda.kz ақпарына сүйенген rast.kz хабарлайды.
«24 мамырда Алматы қалалық мәслихатының депутаттары жаңа әкімнің кандидатурасын қарастырады», – делінген хабарламада.
VIII шақырылымдағы Алматы қалалық мәслихатының отырысы ертең өтеді. Жиында депутаттар қаланың жаңа әкімін тағайындау мәселесін қарайды. Отырыс Республика алаңы, 4 мекенжайында, сағат 12:00-де басталады.
Алматы әкімі лауазымына кімдердің ұсынылатыны әзірге белгісіз. Кандидаттар мәслихат отырысында таныстырылады.
Айта кетейік, сәуір айында Алматы әкімі Ерболат Досаев Қасым-Жомарт Тоқаевқа тұрақты түрде есеп беруге міндеттелген болатын.
