USD
АЛМАТЫ. 9 наурыз. Бұрынғы Қорғаныс министрі Мұрат Бектанов қаңтар оқиғасына байланысты жүргізілген сот шешімімен 12 жылға түрмеде отыру жазасын алды. Бұл туралы бұқаралық ақпарат құралдарына сілтеме жасаған rast.kz хабарлады.
«Қылмыстық істер жөніндегі мамандандырылған ауданаралық әскери сотының 2023 жылғы 24 ақпандағы үкімімен Бектанов Қазақстан Республикасы Қылмыстық кодексінің 451-бабы 3-бөлігімен кінәлі деп танылып, 12 жыл мерзімге бас бостандығынан айыру жазасына кесілді», – делінген хабарламада.
Еске сала кетейік, 2022 жылғы 19 қаңтарда Президент Қасым-Жомарт Тоқаевтың Жарлығымен Мұрат Бектанов Қорғаныс министрі қызметінен босатылып, оның орнына Руслан Жақсылықов тағайындалған еді.
Ал 2022 жылғы 19 ақпанда Бас прокуратура бұрынғы Қорғаныс министрі Мұрат Бектановтың үстінен Қазақстан Республикасы Қылмыстық кодексінің 452-бабы (әрекетсіздік фактісі) бойынша сотқа дейінгі тергеп-тексеруді бастады.
Келесі күні, яғни 20 ақпанда бұрынғы министр «қылмыс жасады» деген күдікпен ұсталып, уақытша ұстау оқшаулағышына қамалды. Оған төтенше жағдай кезінде конституциялық тәртіпті орнатуға қатысты тиісті шаралар қабылдамаған, оған ұрыс жағдайында билікті асыра пайдаланған деген айып тағылған. Анықтап айтқанда, қаңтар оқиғасы күндерінде қарақшыларға қатысты берілген «ескертусіз оқ ату» жөніндегі бұйрықты наразылық білдіруші бейбіт шерушілерге қарсы қолданған.
Биылғы 5 қаңтарда Мәжілісте сөйлеген сөзінде Бас прокурор Берік Асылов аталмыш оқиғаның даму барысында Мұрат Бектановтың қарамағындағыларға айдан анық заңсыз бұйрықтар беріп, стратегиялық маңызы бар әскери нысандарды қараусыз тастап кеткенін мәлімдеген болатын.
Ескерту!
rast.kz сайтының кез келген материалын редакцияның арнайы рұқсатынсыз көшіріп алып жариялауға тыйым салынады. Плагиат жасаушы «Авторлық құқық туралы» Заңға сәйкес қудаланады.
