USD
БЕРЛИН. 29 сәуір. Германия канцлерінің соғыстан соң Киев жерінің бір бөлігінен айырылуы мүмкін деген сөздері Украинада сынға ұшырады. Бұл туралы DW ақпарына сүйенген rast.kz хабарлайды.
Берлиндегілер осыған орай қазір премьер-министр Фридрих Мерц аумақтар мәртебесіне қатысты халықаралық құқық тұрғысынан түсініктеме берген жоқ деп мәлімдеді.
«Германия Украина жағында нық тұр», – деді 28 сәуір, сейсенбі күні үкімет өкілі DW тілшісінің сауалына берген жауабында. Түсініктеме 27 сәуірде Германияның батысындағы Марсбергтегі гимназия оқушыларымен кездесуде ГФР канцлері Фридрих Мерцтің мәлімдемесіне байланысты туындады.
«Украина ақыры бір күні атысты тоқтату туралы келісімге қол қояды. Бір күні Ресеймен сондай бейбіт келісім болады деп үміттенемін. Сонда украин территориясының бір бөлігі оның қарауынан кетіп қалуы әбден мүмкін», – деп Reuters агенттігі Мерцтің сөзін келтірді.
Берлиндегілер «Киев өзінің бостандығы жолында күреседі және біздің Еуропаның бейбітшілік тәртібіне негізделген құндылықтарды қорғайды», деп атап өтті.
«Бірде-бір ел өзінің шекарасын басқа біреудің есебінен кеңейте алмайды деген қағидат сақталуы тиіс. Біздің позициямыз территориясы мен егемендігі мәселелері жөніндегі шешімді тек Украинаның өзі ғана қабылдайды дегенге саяды», – деп атап көрсетілген онда.
«Германия канцлері Марсберг гимназиясында Украинаның Еуропадағы келешегі туралы сөз қозғады, бірақ сондай-ақ ол халықаралық құқық тұрғысынан Украина территорияларының мәртебесіне қатысты ешқандай мәлімдеме жасаған жоқ», – деп баяндады Германия үкіметінің баспасөз қызметі.
Украинадағылар Мерцтің сөзіне үдере қарсы шықты. Украина президенті Володимир Зеленський Ресейдің алдына жығылудың Мәскеу тарапынан басқалардың да істеріне қол сұғушылыққа алып баратынын алға тартты.
«Еуропада шынымен бейбітшілік болуы және Ресейдің тоқтауы үшін Украинаға жақсы жағдай жасалуы, Украинаға құрмет көрсетілуі тиіс», – деп мәлімдеді Зеленський 27 сәуір күнгі кешкі үндеуінде.
Украин лидері елдің Еуропа одағына кіруі үшін егемендік, елдің аумақтық тұтастығы, қауіпсіздік кепілдігі негізгі компоненттер болып табылатынын атады.
