USD
АСТАНА. 13 маусым. «Ақ жол» демократиялық партиясының төрағасы Азат Перуашев осы атқарып келе жатқан қызметінен өз еркімен босағанын жария етті. Бұл туралы Orda.kz ақпарына сүйенген rast.kz хабарлайды.
Азат Перуашев өзінің партия басшылығындағы өкілеттігін тоқтату туралы шешім қабылдағанын мәлімдеді.
Ол партия съезінде сөйлеген сөзінде бұл шешімді ұйымның әрі қарай дамуына жаңа серпін беру қажеттілігінен туындап отырғанымен байланысты қабылдағанын айтты.
Перуашевтың айтуынша, кез келген саяси ұйым өз құндылықтарына адал болумен қатар, заман талабына сай жаңашыл идеяларды қабылдай білуі тиіс. Оның пікірінше, «Ақ жол» партиясы бұған дейін ұлттық құндылықтарға қайшы келетін идеяларға қарсы тұра алатынын талай дәлелдеген. Дегенмен қазіргі жағдайда партияның жаңарып, жаңа бағыттарды игеруі маңызды болып отыр.
Саясаткер қазіргі кезеңді түбегейлі өзгерістер уақыты деп бағалады. Ол қоғамда болып жатқан үдерістердің қарқыны жоғары екенін атап өтіп, мұндай жағдайда ұзақ уақыт бір адамның басшылықта отыруы белгілі бір дәрежеде тежегіш факторға айналуы мүмкін екенін жеткізді. Перуашевтың пікірінше, кез келген «монополияның» алдын алудың тиімді жолы басшылықтың кезең-кезеңімен ауысып отыруы болмақ.
