Әлем Марадонаның қазасын аза тұтып жатыр (видео, фото)

БУЭНОС-АЙРЕС. 26 қараша. Бүгін даңқты футболшы Диего Марадонамен қоштасу үшін Буэнос-Айрестегі президент сарайының алдына әлденеше мыңдаған адам жиналды. Бұл туралы РИА «Новости» хабарлады.

Аргентина билігі Диего Армандо Марадонаның қайтыс болуына байланысты елде үш күндік аза жариялады.

Марадонаның фанаттары футболшымен қоштасу басталатыннан бірнеше сағат бұрын алаңға келіп тұрды.

Қоштасу рәсіміне барлығы 1 миллион адам жиналады деп күтілуде. Ол Буэнос-Айрестің орталығындағы Каса Росадада орналасқан президент сарайында өтіп жатыр.

Алдын ала мәлімет бойынша, Диегоның өліміне жүрек талмасы себеп болған.

Аты аңызға айналған футболшы қараша айының басында миына қан құйылу себебімен ауруханаға жатқызылған болатын. Ал кеше, 25 қарашада жантәсәлім етті.

Әлем футболының аса көрнекті тұлғасының қазасына орай өздерінің ой-пікірлерін айтып, қайғырып жатқан белгілі бұрынғы футболшылар аз емес. .

Англияның «Ливерпуль» клубының бас жаттықтырушысы Юрген Клопп былай деді: «Менің жасым 53-те, мен өмір бойы Марадонамен бірге өмір сүріп келе жатқан сияқтымын. Ол жасымнан менің өмірімнің бір бөлшегіне айналды. Кішкентай кезімде, шамасы, сегіз не онда болуым керек, мен оны бірінші рет көрдім. Сол кезде оның жасы 16-да не 17-де еді. Сол сәттен бастап ол менің сүйікті ойыншыма айналып кетті. Жақында ғана ол туралы деректі фильм көрдім. Ол сенсациялық жігіт еді, Марадонаның өз проблемалары болды. Ол сонымен арпалысумен өтті. Енді оны сағынатын боламыз».

Аты аңызға айналған бразилиялық футболшы Пеле: «Қандай қайғылы хабар! Мен жақсы досымды жоғалттым, әлем аңыз адамынан айырылды. Бұдан да көп нәрсе айтар едім, бірақ әзірге Құдай оның отбасы мүшелеріне күш-қуат берсін дегім келеді. Мен екеуміз бір кездері Көкте кездесіп, бірге ойнайтын шығармыз деп үміттенемін», – деп жазды Twitter-ге.

ФИФА-ның бұрынғы президенті Йозеф Блаттер: «Соңғы үш онжылдықтың көлемінде Марадона шынында әлем футболында өзінің айшықты қолтаңбасын қалдырғанын айтқым келеді. Ол жоғары мүмкіндікті футболшы еді. Диего 1979 жылы Токиода өткен әлемнің жастар чемпионатына өз құрамасын шығарған адам, оның финалында Аргентина құрамасы КСРО командасын ұтты, матчтың соңында ол үш доп соқты. Мен мұны 1986 жылы Мексикада өткен әлем чемпионатымен салыстыра қараймын. Онда Диего өз командасына жеңіс әперді. Ағылшындармен матчта ұмытылмайтын «құдайдың қолымен» гол салды. Енді Құдай оны үйіне шақырып әкетті», – деді.

Аргентина құрамасының капитаны Лионель Месси: «Бүгін – барлық аргентиналықтар үшін қайғылы күн. Ол біздің жүрегімізде қалды, бірақ ол бізден кеткен жоқ, себебі, Диего мәңгілік жасайды. Мен онымен бірге болған әрбір сәтімді өте жоғары бағалаймын және сағынышпен еске аламын. Осы ауыр күндерде оның отбасына көңіл айтқым келеді. Тыныш жат», – деді. капитан сборной Аргентины:

Португалия құрамасының капитаны Криштиану Роналду: «Бүгін мен досыммен қоштасамын, әлем мәңгі данышпанымен қош айтысады. Ол жалғанда бәрінен артық. Құдды сиқыршы іспеттес. Ол ерте кетіп бара жатыр, бірақ артында шексіз мұра мен ешқашан орны толмайтын бос кеңістік қалдырып барады», – дегенді айтты.

Әйгілі итальян жаттықтырушысы Фабио Капелло: «Маған онымен «Наполиге» қарсы матчта талай рет кездесу бақыты бұйырды. Ол – таңғажайып ойыншы. Оның голдары керемет. Әлемдегі үздіктердің бірі: Пеле, Марадона, Кройф – үшеуі. Диего – мен қарсы ойнаған ең үздік ойыншылардың бірі. Мына хабар маған қатты тиді. Адам үшін 60 жас деген – әлі балаңдық кезең, өлетін уақыт емес», – деп ойын ортаға салды.

Англия құрамасының атақты форварды Гари Линекер: «Марадона өз кезеңінің ең үздік ойыншысы болды, бәлкім, барлық уақыттардың да үздігі шығар», – деген тұжырым білдірді.

Төмендегі видеода бүкіл әлем білетін атақты голдың соғылу сәті көрсетіледі.