Павлодар қаласының бұрынғы әкімі қамауға алынды
ПАВЛОДАР. 7 қараша. Павлодар қаласының бұрынғы әкімі Оразгелді Қайыргелдинов жемқорлық күдігімен қамауға алынды. Бұл туралы Tengrinews.kz хабарлады.
«Павлодар облыстық жемқорлыққа қарсы күрес департаметі Қайыргелдиновке қатысты қылмыстық істі тексеріп жатыр. Оған жемқорлық сипатында қылмыстық құқық бұзушылық күдігі таңылған», – деді аймақтың жемқорлыққа қарсы қызметі бастығының орынбасары Дархан Құрақбаев.
Тергеудің болжамы бойынша, Павлодар облысының экс-әкімі облыстың Баянауыл ауданын басқарып жүрген кезінде жемқорлық әрекеттер жасаған. «Ол (Оразгелді Қайыргелдинов – ред.) Баянауыл ауданында пайдалануға жарамайтын аэродромды облыстық бюджеттің 240 миллион теңге көлеміндегі қаржысы есебінен коммуналды меншікке заңсыз алып берген деген күдікке ілініп отыр. Оған қатысты құлып астында ұстау түріндегі шектеу шарасы қолданылды. Тергеу жалғасып жатыр», – деді Құрақбаев бұдан әрі.
Ведомстводағылар бұл аэродромға қатысты мәселенің 2017 жылы бірінші рет көтерілгенін баяндады. Сол кезде облыстың әкімі Болат Бақауов Баянауыл жерінде тау шаңғысының базасын салу туралы мәселе көтереді. Сол жылы жазда бортында 16 жолаушысы бар екімоторлы ұшақ Павлодардан ұшып келіп осында қонады. Оның ішінде Бақауовтың өзі де болады. 2018 жылдың тамызында азаматтық авиация комитеті аэродромның бітуіне жақын қалғанын хабарлайды. Бірақ артынша облыс пен қала әкімдерінің жоспарлары быт-шыт болып қирайды. Ал 2020 жылдың қаңтарында Бақауов қамалады. Одан айырмашылығы, Қайыргелдинов тек биылғы қазан айында ғана ұсталады.
