Қырғызстанда Алмазбек Атамбаев қайта қамалды
БІШКЕК. 10 қазан. Қырғызстанда шерушілер уақытша оқшаулағышта отырған жерінен босатып алған Алмазбек Атамбаев қайтадан қамалды. Бұл туралы K-News хабарлады.
Хабарда одан басқа, Қанат Сағымбаев пен Дамир Мұсақаевтың да ұсталғаны айтылған.
«2020 жылғы 10 қазанда Ұлттық қауіпсіздік комитетінің ішкі істер министрлігімен бірлесіп жүргізген жедел-іздестіру шарасы нәтижесінде Бішкектегі жаппай тәртіпсіздікті ұйымдастыру фактісі бойынша қылмыстық істің шеңберіндегі тергеу тапсырысы негізінде А.Атамбаев, Қ.Сағымбаев және Д.Мұсақаев ұсталды. Қазіргі таңда ведомствоаралық тергеу-жедел тобы аталмыш қылмысқа басқа қатысушыларды анықтап, ұстауға бағытталған тиісті тергеу және жедел шараларды жалғастырып жатыр», – делінген ұлттық қауіпсіздік кеңесінің хабарламасында.
