USD
АЛМАТЫ. 23 қыркүйек. Алматыда қаланың ең танымал орындарының бірі – «Медеу» биік таулы спорт кешенінің маңында жаңа туристік нысан ашылды. Бұл туралы aqshamnews.kz ақпарына сілтеме жасаған rast.kz хабарлайды.
Таулы атыраптың қақ ортасына орналасқан кешен Medeu Park Hotel деп аталады. Ол қонақ үй қызметін, гастрономияны, іскерлік инфрақұрылымды және қоғамдық кеңістікті біріктіреді.
Мейманханада 90 нөмір, үш конференц-зал және банкет залы бар. Бұдан бөлек, мұнда мейрамханалар, бар, караоке, шарапхана және кинотеатр жұмыс істейді.
Жоба қонақ үй мен қоғамдық инфрақұрылымның үйлесуімен ерекшеленеді. Кешен аумағында қала тұрғындары мен туристер үшін ашық серуендеу аймағы жасалған. Мұнда I’m, Vanilla, Del Papa және Chef мейрамханалары мен дәмханалары жұмыс істеп тұр.
«Медеудің» маңында жаңа нысанның ашылуы Алматыға тауды тамашалау, белсенді демалыс пен қалалық гастрономия үшін келетін туристерге жаңа мүмкіндіктер ұсынады. Бұдан былай қаланың басты туристік орындарының бірінде жай серуендеп қана қоймай, қонып, демалуға, сондай-ақ іскерлік және ойын-сауық іс-шараларын өткізуге мүмкіндік табылады.
Medeu Park Hotel «Медеу» туристік кластерінің жаңа нысанына айналып, Алматының таулы аймағының жыл бойғы туристік тартымдылығын арттыра түсті.
Medeu Park Hotel «Медеу» туристік кластерінің жаңа нысандарының біріне айналды. Жоба Алматының таулы аймағын жыл бойы демалыс пен туризмге қолайлы бағыт ретінде дамытуға мүмкіндік береді.
