Арман Шораев қолхат беріп, абақтыдан шықты

АЛМАТЫ. 20 сәуір. Қоғам белсендісі Арман Шораев кінәсін мойындағасын, ешқайда кетпеу туралы қолхат қалдырып, абақтыдан шықты. Бұл туралы zakon.kz хабарлады.

«Шораев заңсыз әрекетін мойындап, кешірім сұрады», – деп жазады портал.

Баспасөз құралының хабарлауынша, құқық қорғау органдары Ұлттық кеңестің бұрынғы мүшесі Арман Шораевты ешқайда кетпеу туралы қолхатын алып, қамаудан босатқан.

Шораевтың абақтыдан босатылғаны туралы адвокат Джохар Утебеков та баяндады.

Бұған дейін Арманның атынан қарындасы Жанар Шораева Facebook-те пост жазып, ағасының шынымен де тексерілмеген ақпарат жариялап, енді істеген ісіне өкініп отырғанын жеткізді.