USD
ҚЫЗЫЛОРДА. 24 тамыз. Көпе-көрнеу жалған ақпарат таратып, полиция қызметкерлеріне құрметсіздік көрсеткен қызылордалық бойжеткен қамауға алынып, жазаға тартылды. Бұл туралы Astana TV ақпарына сілтеме жасаған rast.kz хабарлайды.
«Қызылорда қаласының 22 жастағы тұрғыны Шұғыла Сәбит түнгі уақытта тыныштықты бұзып, полиция қызметкерлерінің заңды талаптарына бағынбай, ұсақ бұзақылық жасағаны және жалған ақпарат таратқаны үшін жауапкершілікке тартылды», – делінген хабарламада.
Сот шешімімен қыз әкімшілік қамауға алынды. Бұған қоса, оған әкімшілік айыппұлдар салынып, ресми ескерту берілді.
Қабылданған шаралардан кейін бойжеткен әлеуметтік желілердегі тиісті жарияланымдарын түгел өшірді.
Полиция тәртіп сақтаушыларға құрметсіздік таныту, арандатушылық қимылдарға ұрыну және жалған ақпарат тарату әрекеттерінің заң аясында жауапкершілікке әкеп соқтыратынын ескертеді.
Еске сала кетейік, бұған дейін аталған қыз әлеуметтік желілерде өзін «күлгені үшін» жауапкершілікке тартты деген мазмұнда көпе-көрнеу қалп ақпарат таратып, бұған қоса, билік өкілдеріне қасақана қарсы әрекеттер жасаған еді.
