USD
УЭСТ БРОМИДЖ. 23 тамыз. Қазақстандық 18 жасар футболшы Англияның Чемпионшип лигасында өнер көрсететін «Бернли» командасы құрамында алғаш рет алаңға шықты. Бұл туралы amanvibe.kz ақпарына сілтеме жасаған rast.kz хабарлайды.
«Бернли» бұл күні 2-турдың кездесуін Уэст Бромидждің «Вест Бромвич Альбион» клубының алаңында өткізді.
Дастан матчтың 57-минутында ойынға қосылды. Ол форвард Джоша Лоранды алмастырды. Сол кезге дейін бернлиліктер 1:2 есебімен ұтылып жатқан еді.
Дастан Сәтбаев алаңға шыққаннан кейін кездесу келесін өзгерте алған жоқ. Ол нәтижелі пас та бермеді. Бірақ бірнеше рет жақсы финттер көрсетіп, әріптестерімен тіл табысып ойнады. Осы аралықта «Бернли» тағы бір гол жіберіп алып, жалпы есепте 1:3 болып ұтылды.
Матчтағы есеп 8-минутта ашылды. «Вест Бромвичтің» жартылай қорғаушысы Каллум Стайлз өз қақпасына гол соғып алып, «Бернлидің» алға шығуына жол беріп қойды. Алайда алаң иелері таразы басын көп ұзамай теңестіріп үлгерді. 18-минутта Харри Уитвелл қарымта доп соғып кетті.
Командалар үзіліске дейін бұдан артық гол сала алмады. Ал екінші таймның басында «Вест Бромвич» тез басымдыққа қол жеткізді. 46-минутта Айзек Прайс есепті 2:1 етті. Арада 11 минут өткеннен кейін Сәтбаев алаң төрінен көрінді. Сөйтіп, ол «Бернли» сапындағы бірінші ресми матчын өткізді.
Кездесудің 65-минутында «Вест Бромвич» күтпеген жерден пенальти ұру мүмкіндігін алды. Оны Айзек Прайс тиімді пайдалана біліп, ақырғы есепті 3:1-ге апарды.
Flashscore порталының болжамы бойынша, Дастан өзінің ойыны үшін 6,1 балл алған. «Бернли» ойыншылары арасында ең жоғары баға – 7,3 балл Кайл Уокерге қойылды. Ал матчтың ең үздік ойыншысы болып 8,8 балл алған Айзек Прайс танылды.
Осы екі ойыннан кейін «Бернли» 1 ұпаймен 22 команданың арасында 18-орында тұр. Ол бірінші ойынында тең нәтижеге қол жеткізген.
Дастан Сәтбаев бұл команда сапында маусым соңына дейін ойнайды.
