USD
МӘСКЕУ. 17 шілде. Ресей Түркияның Украина кепілдігіне қосылатыны аян болғаннан кейін түрік шабдалыларын экспорттаудың жолын жабуға шешім қабылдады. Бұл туралы The Moscow Times ақпарына сілтеме жасаған rast.kz хабарлайды.
«Россельхознадзор» баспасөз қызметі хабарлағандай, бес түрік кәсіпорнынан өрік, шие және алша, шабдалы мен нектарин секілді бес түрлі өнімге тыйым салынады. Ведомоство бұл шешімді Түркия Сыртқы істер министрі Хакан Фиданның украин әріптесі Андрей Сибигамен Киевте өткен кездесуінен бірнеше сағат өткен соң жариялады. Оның қорытындысында Фидан Түркия Киевтің қауіпсіздік кепілдіктеріне қосылуға және НАТО одақтастарымен бірге осы кепілдіктердің теңіз құрамдас бөлігін басқаруға дайын екенін мәлімдеген болатын.
«Біз соғыстың Қара теңіз айдынына таралғанын қаламаймыз. Қара теңізде порттарды, танкерлерді және балық аулау кемелерін атқылау арқылы бейбіт тұрғындардың өмірлеріне қауіп төндіруге жол беруге болмайды», – деді Фидан.
Түрік министрі сондай-ақ Анкара Украинаның егемендігі мен территориялық тұтастығын үнемі қолдайтынын және Қырымды заңсыз аннексиялау туралы өзінің тұрақты ұстанымын растайтынын айтты.
Қазір Түркия Ресейге дәнекті жемістерді ең көп жеткізушілер қатарына кірмейді. Өткен жылы олардың негізгі экспорттаушылары Өзбекстан (180 мың тонна), Әзербайжан (111 мың тонна) және Армения (64 мың тонна) болды.
Алайда Түркия Ресейге цитрусты жемістерді (599 мың тонна) негізгі жеткізуші болып табылады, ол сондай-ақ) кейін қауын мен қарбыз (16 мың тонна) жеткізу жөнінде Өзбекстаннан (335 мың тонна) кейінгі екінші орында тұр.
