Түркия індетке орай 90 мың тұтқынды уақытша босатты

АНКАРА. 14 сәуір. Түркия парламенті коронавирус пандемиясына байланысты түрмеде отырған 90 мың тұтқынды уақытша босату туралы қаулы қабылдады. Бұл туралы Milliyet газеті хабарлады.

Басылым хабарлағандай, уақытша босатылуға жазаларын колония-мекендерде өтеп жатқан, оншалықты ауыр емес қылмыс жасағандары үшін сотталған тұтқындар ғана жатқызылған.

Олар 31 мамырға дейінгі мерзімге дейін ғана босатылып отыр. Содан кейін жазаларын өтеуді қайта жалғастырады.

Қаулыға сәйкес, егер пандемия осы мезгілге дейін төмендей қоймаса, сотталғандардың бостандықта болу уақыттары ұзартылатын болады.