USD
БРЮССЕЛЬ. 4 маусым. Еуропа одағының 11 мемлекеті Еуропалық комиссияға ресейлік туристердің Шенген аймағына кіру шарттарын қатаңдатуды талап еткен хат жолдады. Бұл туралы The Moscow Times ақпарына сүйенген rast.kz хабарлайды.
Жазғы маусым қарсаңында Балтық елдері, Дания, Нидерланд, Польша, Финляндия, Чехия, Швеция, сондай-ақ ЕО-ға кірмейтін, бірақ Шенген мүшелері болып табылатын Исландия мен Норвегия ресейлік басқыншылар Украинаға қарсы соғысты тоқтатпай тұрғанда, олардың туристеріне Еуропа курорттарын пайдалануға рұқсат беруге болмайды деп мәлімдеді.
Еуропа одағының ресейлік өтініш білдірушілерге қатаң қарау жөніндегі ұсыныс-хатының талабы жүйелі түрде жүзеге аспайтындығы олардың «визалық шопингпен» айналысып кетулеріне, бір елден екінші елге өтіп жүре берулеріне мүмкіндікті арттырып жібереді, деп жазады жоғарыда айтылған хатпен танысқан Politico.
Польша министрлері ЕО «үшінші елдердің дұшпандық әрекеттеріне тиімдірек жауап беруі» үшін визалық кодекске жаңа шектеулер мен міндетті шараларды енгізуді ұсынады. Олардың пікірінше, бірнеше виза беруге шектеу, тұрғылықты жеріне қарамастан, барлық Ресей азаматтарына қатысты болуы керек. Хатта сонымен қатар Эстонияның бұрынғы және қазіргі соғыс қимылдарына қатысушыларды анықтау және олардың Шенген аймағына кіруіне жол бермеу жөніндегі бастамасы аясында жедел шаралар әзірлеуге шақыру бар.
