USD
БУДАПЕШТ. 3 маусым. Венгрия Украинаның Еуропа одағына мүше болуына жол бермейтін ветосын алып тастауға шешім қабылдады. Бұл туралы The Moscow Times ақпарына сүйенген rast.kz хабарлайды.
Будапешт өз ұстанымын қайта қарап, Украинаның Еуропа одағына мүшелікке өтуі жөніндегі келіссөздердің басталуына қарсылық көрсетуді қойғалы тұр.
Politico басылымның хабарлауынша, бұл жақын арада болуы мүмкін. Оның шешімі 15 маусымда Люксембургте өтетін үкіметаралық конференцияда қабылданып қалуы кәдік. Егер Венгрия ветодан бас тартса, онда Украина мен Молдова еуроинтеграцияның келесі кезеңіне – алғашқы келіссөздер кластерінің ашылуына қол жеткізе алады, бұл мүшелікке қабылданудың ресми бастамасы болады.
Дипломаттардың айтуынша, Венгрияның жаңа басшылығы сәуір айындағы сайлауда оңбай жеңілген Виктор Орбанның билік ету кезеңіне тән болған Киевке қатысты Будапешттің қатал сызығын өзгертуге дайын екенін айтты.
Осыған байланысты енді аптаның соңына дейін ЕО елшілері Украина мен Молдова үшін кластер ашудың соңғы позициясын қалыптастырады деп күтілуде. Киев реформалардың жаңартылған жоспарларын және ұлттық азшылықтардың құқықтарын қорғау жөніндегі қосымша әзірлемелерді ұсынуы тиіс.
«Кез келген кластерді ашу үшін барлық 27 мүше мемлекеттің бірауыздан қолдауы қажет», деп атап өтті Politico.
Сонымен қатар, Будапешт тағы бір сезімтал мәселеге бет бұрды: Венгрияның жаңа үкіметі еуропалық бейбітшілік қоры бойынша шешімдердің бұғатталуын жойды, ол арқылы ЕО елдері Украинаға берілген қару-жарақ үшін өтемақы алады.
