USD
МӘСКЕУ. 17 мамыр. Украина Қарулы күштерінің ұшқышсыз ұшақтары түннен бері Мәскеу мен оның маңын ту-талақай етті. Бұл туралы DW ақпарына сүйенген rast.kz хабарлайды.
Тарап жатқан видеолардан дрондардың Солнечногорск май құю станциясына шабуыл жасаулары мен Мәскеу облысының Дурыкино селосының отқа оранған сәттері көрініп тұр. Билік осы топалаңда үш адамның қаза тауып, 12 адамның жарақат алғанын баяндап үлгерді.
Мамырдың 17-не, жексенбіге қараған түні Мәскеу мен Мәскеу облысына дрондар дүркірі жаппай шабуыл жасады. Ресей астанасының мэрі Сергей Собяниннің Telegram-дағы бірнеше хабарламасынан көрініп тұрғандай, Мәскеу уақытымен сағат 2:00-ден 7:30-ға дейін кемінде 85 ұшқышсыз ұшақтың шабуылы әуе қорғанысы күштерінің әрекетімен қайтарылған.
«Дрондар соққылары нәтижесінде, алдын-ала мәліметтер бойынша, он екі адам жарақат алды. Негізінен, Мәскеу мұнай өңдеу зауытының кірер есігі аузында бір құрылысшылар ауысымы зардап шеккен. Зауыт технологиясы бүлінген жоқ. Үш үй бүлінген», – деп жазды мэр.
Astra басылымының OSINT-талдауы мәліметтері бойынша жазғанындай, Мәскеудің Михайлов көшесіндегі көп қабатты үйге шабуыл жасалды, зардап шеккендер жайында әзірге ештеңе белгілі емес. «Шабуылдың мақсаты Капотнадағы Мәскеу мұнай өңдеу зауыты болды», – деп жазады Astra.
Осы арқылы Укрраина Қарулы күштері соңғы үш күн бойы ұдайы украин қалаларына шабуыл жасаған Ресей армиясына лайықты жауап қайтара бастады.
