Z-инсайдер Ремесло Ресей диктаторы орнынан кетуі керектігін айтты
МӘСКЕУ. 18 наурыз. Z-блогер Илья Ремесло РФ диктаторы Владимир Путиннің орнына кетуі керектігін мәлімдеді. Бұл туралы Dialog.ua ақпарына сүйенген rast.kz хабарлайды.
Бұрын оппозицияның үстінен Кремльге мәлімет беріп келген Z-инсайдер Илья Ремесло 180 градусқа аунап түсіп, әлеуметтік желіде «Менің Владимир Путинді қолдауымды тоқтатуыма себеп болған бес жағдай» деген жазба жариялады. Онда Кремльдің шпионы өз шефінен неге бас тартып отырғанын бес фактімен тұздықтап жазады. Соның біріншісі Путиннің Украинаға ашқан соғысы тұйыққа тіреліп, елге орасан зор шығын әкелгенімен, қарапайым адамдардың бұл соғыстан зияннан басқа ештеңе көрмейтінімен байланысты болып отыр. Бұдан әрі елде баспасөз бостандығы тұншықтырылғаны, интернет жұмыс істемейтіні, оппозицияның жоқтығы, мұның бәрі билікте 25 жылдан астам уақыт отырған Путиннен екені, ал оның Гаага арқылы сотталуы керектігі айтылады.
Сонан кейін насихатшы Путиннің отбасы туралы да жазба жариялады. Мұның алдында телеграм-арнада осы тақырыпта сұхбат бергені тағы бар.
Әлбетте. Ремеслоның бұл жазбалары мен пікір айтуы Ресейде бірден үлкен жанжал тудырды. Олардың бірінде Z-блогер Путиннің қыздары туралы пікір айтып, бұрынғы гимнастшы Алина Кабаевадан туған кіші балаларын да қозғап өтеді. Осының барысында Ремесло Путиннің өзінің де іс жүзінде қандай адам екенін, оның екіжүзділігін паш етеді.
«Путин көп мәселеде таразы басын тең ұстамайды. Оның балаларының қауіпсіздігін ойластыратыны түсінікті, бірақ бәрінің де шегі болуы керек. Бәленің бәрі мынада, Путин – өте қорқақ адам. Ол өз балаларын да қатты қорқытып қойған.
Қыздары Путиннің фамилиясында емес, нағыз сандырақ деген осы. Әйтпесе жұрттың бәрі іс жүзінде Тихонова мен Воронцованың кімдер екенін біледі. Қорқыныштан әкесінің тектік фамилиясынан бас тарту бейшаралықтан басқа не болады?», – деп жазды ол.
Ресей қоғамы аталмыш блогердің Кремльге қауіп төндіретінін, себебі ол Кремльде ұзақ уақыт жұмыс істегендіктен және әртүрлі деңгейдегі жоғары лауазымды ресейлік шенеуніктермен байланысы болғандықтан көп жайтты білетінін алға тартады. Енді ол жылдар бойы жинаған деерктерін ашық желіде жариялап жатыр.
Ремесло мұнымен тоқтап қалмай, Путинге психоанализден өтуге кеңес береді. Кремль басшысына үкіметшіл тұлғадан шыққан бұл қарсы үн ішкі жанжалдың жаңа кезеңі басталғанын аңғартатын сияқты.
