Италияда ашылған Паралимпиада ойындары жанжалмен басталды
МИЛАН. 8 наурыз. Италияда жалауын көтерген Паралимпиада ойындарына наразылық ретінде 7 елдің командалары рәсімге қатыспады. Бұл туралы BBC ақпарына сүйенген rast.kz хабарлайды.
Ойындарға Иранның қатыспайтыны бұрыннан белгілі, ал оған Ресей мүгедек спортшыларының жіберілуі әлемдік қауымдастықта үлкен дағдарыс тудырды. Тіпті алаң иелері – Италия билігі де комитеттің бұл шешімін қолдамайтынын білдірді.
XIV қысқы Паралимпиада ойындары жұма күні Милан мен Кортина-д’Ампеццо қалаларында ашылды. Ашылу салтанаты біздің заманымыздың I ғасырында салынған және шамамен 12 000 көрерменге арналған ежелгі Рим амфитеатры – тарихи Arena di Verona стадионында өтті.
Жақында аяқталған Олимпиада ойындарындағыдай (жабылу салтанаты Arena di Verona стадионында да өтті), жарыстар үш негізгі жерде – Миланда (мұз спорты), Кортина-д’Ампеццода (тау шаңғысы, сноуборд, мүгедектер арбасымен керлинг) және Валь-ди-Фьеммеде (шаңғы жарысы және биатлон) ойналады. Паралимпиада ойындары 10 күнге созылып, 15 наурызда Кортина-д’Ампеццодағы шайбалы хоккей аренасында өтетін рәсіммен аяқталады.
Ұйымдастырушылар бұған дейін мәлімдегендей, ашылу салтанаты «Италия ескерткіштерінің сұлулығын, халқының талантын және әлемнің түкпір-түкпірінен келген делегацияларға көрсетілетін жылы шырайлы қарсы алуды толық көрсетуге» арналған.
Салтанат шынымен де керемет болды, бірақ оның шырқы әлдеқайда ертерек басталған жанжалмен бұзылды – 2025 жылдың қыркүйегінде Халықаралық Паралимпиада комитеті (ХПК) Украинада кең ауқымды соғыс басталғаннан кейін тоқтатылған Ресей мен Беларусь Паралимпиада комитеттерінің мәртебесін толық қалпына келтірді.
Қатысу туралы соңғы шешім жеке федерациялар деңгейінде қабылданды. Төрт федерацияның үшеуі ресейліктер мен белорустардың Италиядағы ойындарға қатысуын қолдамады, ал хоккей федерациясы рұқсатты тым кеш берді.
Алайда Мәскеу мен Минск Халықаралық шаңғы және сноуборд федерациясының шешімі жөнінде Спорттық арбитраждық сотта шағымдана алды. Нәтижесінде Ресейден алты және Беларусьтен төрт спортшы Милан-Кортинадағы ойындарға жіберілді.
Ал бұған наразылық ретінде Украина, Польша, Чехия, Финляндия, Эстония, Латвия және Литва елдерінің делегациялары Ойындардың ашылу салтанатына қатысқан жоқ.
