USD
УАШИНГТОН. 1 қазан. АҚШ Украина Қарулы күштеріне Ресейге алыстан соққы беріп тұруы үшін барлық барлау мәліметтерін жеткізіп тұратын болды. Бұл туралы DW ақпарына сүйенген rast.kz хабарлайды.
«АҚШ шекарадан алыс орналасқан ресейлік энергетикалық инфрақұрылымға соққы беру үшін алыс қашықтықтағы зымырандарды қолдануға мүмкіндік беретін барлау мәліметтерін Киевпен бөлісіп тұруға келісті», деп жазады The Wall Street Journal (WSJ) өз мәнбесіне сілтеме жасап.
Трамп әкімшілігі шекара бойынан қашық орналасқан ресейлік энергетикалық инфрақұрылымға ұзақ қашықтықтағы зымыран соққыларын жасауы үшін Украинаға барлау мәліметтерін беріп тұруға уәде етті.
«Бұл қадам Трамп әкімшілігі Украинаны ұзақ қашықтықтағы қару-жарақпен қамтамасыз етуді қарастырып жатқан кезде жасалды», дейді авторлар.
Reuters агенттігінің хабарлауынша, Уашингтон ұзақ уақыт бойы Киевпен барлау мәліметтерін бөлісіп келеді. Дегенмен, WSJ мақаласында айтылғандай, «бұл жаңа даму Украинаның Кремльді кіріс пен мұнайдан айыру үшін мұнай өңдеу зауыттарын, құбырларды, электр станцияларын және басқа да инфрақұрылымдарды нысанаға алуын жеңілдетеді».
WSJ мәліметінше, АҚШ өзінің НАТО-дағы одақтастарын Украинаға да осындай қолдау көрсетуге үндеген. Дональд Трамп бұған дейін Еуропа елдерін ресейлік мұнайды сатып алуды толығымен тоқтатуға шақырып, мұны оның әкімшілігінің Ресейге қарсы қатаңырақ санкциялар енгізуінің шарты етіп қойған.
WSJ мәнбесінің хабарлауынша, Украинаға қосымша барлау ақпаратын беру туралы шешім Трамп өзінің Truth Social әлеуметтік желісіндегі аккаунтында «Украина Еуропа одағының қолдауымен соғысуға және бұрынғы шекараларындағы барлық территориясын қайтарып алуға қабілетті» деп сенетінін мәлімдегенге дейін келісілген. 26 қыркүйекте британдық The Telegraph газеті дипломатиялық мәнбелерге сілтеме жасай отырып, Украина президенті Володимир Зеленський Нью-Йоркте БҰҰ Бас ассамблеясы аясында АҚШ президенті Дональд Трамппен жабық кездесуде одан Киевке ұзақ қашықтыққа ұшатын «Томагавк» қанатты зымырандарын беруді сұрағанын хабарлады.
«Бұл зымырандар 2500 км қашықтықтағы нысаналарға соққы бере алады, бұл оларға Украина аумағынан Мәскеуге және Ресейдің Еуропа аумағының басым бөлігіне соққы беруге мүмкіндік береді», деп хабарлайды Reuters.
