USD
ҚЫЗЫЛОРДА. 8 тамыз. Қызылорда облысында полиция департаментінде құқықтық тәртіпті қамтамасыз етудегі өзекті мәселелердің жайы сөз етілді. Бұл туралы Polisia.kz ақпарына сүйенген rast.kz хабарлайды.
Облыстық полиция департаментінің бастығы Серік Ергешов жедел кеңес өткізіп, 7 айдың жұмысына талдау жасады. Ол қоғамдық қауіпсіздік пен құқықтық тәртіпті қамтамасыз етудегі өзекті мәселелерге тоқталып өтті.
Жедел кеңес барысында полиция органдарының жедел-қызметтік жұмысы ортаға салынды. Оның ішінде,халықпен тиімді серіктестік орнату, ішкі істер органдарының қызметінде ашықтықты және айқындықты қамтамасыз ету мәселелері сөз етілді.
Жиында алдын алу жұмыстарын күшейту нәтижесінде қылмыс деңгейі түскені айтылды. Қоғамдық орындарда, көшеде жасалған қылмыстардың саны кеміді.
Департамент бастығы құқық бұзушылықтардың алдын алу және қоғамдық тәртіпті қамтамасыз етудің басым бағыттарын жауапкершілікпен атқаруды, профилактикалық жұмыстарды күшейтуді тапсырды.
Бүгінде жеке құрам арасындағы заңдылық пен тәртіпті сақтау, сыбайлас жемқорлық сипатындағы әрекеттердің алдын алу, анықтау жұмыстары ерекше назарда. Қызметкерлер арасында тәртіп пен заң бұзушылықтардың алдын алу және кінәлі қызметкерді түзелуге мүмкіндігін арттыру мақсатында офицерлер мен полицейлер кеңестерінің жұмыстары күшейтілді.
Кеңес қорытындысы бойынша департамент бастығы жедел-қызметтік жұмысты қорытындылап, алдағы уақытта бұл жұмыстардың тиімділігін арттыру, сын-ескертпелер мен жаңа бағыттағы жұмыстар бойынша талап қойып, нақты шараларды белгіледі.
