USD
УАШИНГТОН. 13 шілде. АҚШ президенті Дональд Трамп Украинаны жаңа қаржымен қамтамасыз етудің мүмкіндігін қарастыруға кірісіп кетті. Бұл туралы DW ақпарына сүйенген rast.kz хабарлайды.
Әңгіме кем дегенде бірнеше миллиард доллар қаржы беру турасында болып отыр. Америкалық CBS News порталының шілденің 13-і күнгі дипломатиялық мәнбелерге сілтеме жасап, хабарлауына қарағанда, Ақ үй әкімшілігі жаңа қаржыландыруды соңғы күндері Ресейдің ұшқышсыз ұшақтары шабуылдары мен зымыранмен соққылаулары жиілеп кетуіне байланысты шұғыл қолға алғалы жатқан көрінеді.
Ықтимал жаңа қаржыландырудың көзі белгісіз, бірақ АҚШ шенеуніктерінің айтуынша, Трампта Байденнің президенттігінен Украинаға жіберілуге тиіс 3,85 миллиард доллар қалған.
Бұған қоса, Дональд Трамп Ресейдің шетелдегі тыйым салынған 5 миллиард долларға жуық активтерін тәркілеп, Украинаға жібере алады. Бұл да, бұрынғы президент Джо Байден де бұл өкілеттікті пайдаланбады.
Шілде айының басында АҚШ Украинадағы қару-жарақ қорын бағалау үшін оған кейбір қару түрлерін жеткізуді тоқтатты. Пентагон басшысы Пит Хегсет бұл шешімді Ақ үймен кеңеспей қабылдаған екен. Көп ұзамай Трамп Киевке жіберілетін қорғаныс қарулары жоспарын жариялады. 10 шілдеде NBC телеарнасына берген сұхбатында АҚШ президенті Ресейден «қатты көңілі қалғанын» және 14 шілдеде бұл мәселе бойынша маңызды мәлімдеме жасамақшы екенін айтты.
