USD
ЛИССАБОН. 11 маусым. Футболдан Португалия құрамасының Ұлттар лигасындағы жеңісінен кейін Роналдуға қатысты шешім жарияланды. Бұл туралы Vesti.kz ақпарына сүйенген rast.kz хабарлайды.
Португалия құрамасының бас жаттықтырушысы, испан Роберто Мартинес өз командасының лидері, саудиялық «Ән-Наср» клубының форварды Криштиану Роналдудың бұдан арғы мансабы жайында ойын ортаға салды.
Өткен жексенбі күні Португалия терме жамағаты пенальтилер сериясында испаниялық қарсыласарын ұтып, УЕФА Ұлттар лигасының кубогын жеңіп алған болатын. Матчтың негізгі уақыты 2:2 есебімен тең аяқталды. Онда ең соңғы голды Роналду соғып, таразы басын теңестірген еді. Содан соң пенальтилер сорабында португалдар ұрған бес добын да голға айналдыра білсе, испандар бір рет мүлт кетіп, соңғы соққыны жасаудың қажеттілігі болмай қалды.
Мартинес журналистерге берген сұхбатында аты аңызға айналған шабуылшыны «табыстың негізгі элементі» деп атады.
«Криштиану жай ойыншы емес, ол – әлем футболының иконасы. Оның ұлттық құрама сапындағы соңғы 25 ойында соққан 20 голының өзі көп нәрсені айтып тұр. Ол командада ерекше атмосфераны қалыптастырып, жас ойыншыларды үздік нәтижеге ұмтылуымен шабыттандырады. Роналдуды ұлттық құрамаға шақыру-шақырмау жөнінде мәселе жоқ, себебі оның мұнда болуы – қажеттілік», – деді Мартинес.
