ФСБ Қазақстан азаматтарына Ресейге кіруге тыйым сала бастады
МӘСКЕУ. 27 мамыр. Ресейдің федералды қауіпсіздік қызметі (ФСБ) Қазақстан азаматтарының РФ-ға кірулеріне шеутеу қоюды қолға алды. Бұл туралы The Moscow News ақпарына сүйенген rast.kz хабарлайды.
Кейінгі кездері қазақстандықтардың Ресейге кіруіне тыйым салу жиілеп барады. Мұндай жағдайға «Әділдік жолы» бірлестігінің атқарушы директоры Дидар Смағұлов та тап болды. Оның Facebook әлеуметтік желісінде жазуынша, ФСБ шекарашылары өзіне Ресеймен шекарадан ішкері өтуіне өмір бойына тыйым салынғанын айтқан. Ал Смағұловтың Украинаны қолдайтыны анық: әлеуметтік желілерде Ресейді «Украинаға басып кіруші» деп атады, украин ұрандары мен туын іліп қойған. Сол үшін 2024 жылы ол АҚШ-тың бұрынғы мемлекеттік хатшысы Энтони Блинкеннің «Сыбайлас жемқорлыққа қарсы күрес» сыйлығын алды.
Ресейге кіруге тыйым салу мәселесі Telegram және Facebook әлеуметтік желілерінде қызу талқылануда, онымен жалғыз Смағұлов ұшырасып отырған жоқ. Қазақстан тұрғыны Ержан Бәтешов Астанада өзін ұшаққа кіргізбегендерін айтты. Айтуынша, рейске тіркелу кезінде билетті рәсімдеп, ақысы төленгенімен, оның есімі жолаушылар тізімінде болмаған. «Олар менен рейс қызметі үшін билет кассасына баруымды өтінді. Сол жерде маған Ресейге кіруге тыйым салынғанын айтты», – деп жазады Бәтешов. Ол әлеуметтік желілерде Украина қарулы күштерінің ресейлік мұнай нысандарына жасаған шабуылы туралы видеолар жариялады. Қазақстанның тағы бір тұрғыны Елия Ахетова 10 жылға кіруге тыйым салынғанын, 2022 жылдың наурыз айында шекарада ресейлік шекарашылар вагонға кірген кезде білгенін хабарлады.
