Назым Қызайбай бокстан әлемнің үш дүркін чемпионы атанды (видео)
БЕЛГРАД. 16 наурыз. Сербияның Ниш қаласында өтіп жатқан бокстан әйелдер арасындағы чемпионатында Назым Қызайбай әлем чемпионы атағын жеңіп алды. Бұл туралы vesti.kz дерегіне сүйенген rast.kz хабарлайды.
Турнирде 48 келіге дейінгі салмақта күш сынасқан Назым Қызайбай финалда ресейлік Юлия Чумгалакованы 5:0 етіп ұтып, алтын медальге қол жеткізді.
Финалға барар жолда ол словак Николь Дурикованы, венесуэлалық Тайонис Седеньо Рохасты және КХДР өкілі Хон Кен Ренді тізе бүктірді.
Назым Қызайбай осылайша қазақстандық әйелер арасынан да, ерлер арасынан да үш дүркін әлем чемпионы атанған бірінші атлет болып отыр. Бұған дейін қазақ қызы 2014 және 2016 жылдары әлем біріншілігінің ең биік тұғырынан көрінді.
Назым бұдан бөлек, 2021 жылғы Азия чемпионы және 2024 жылғы Париж Олимпиадасының қола жүлдегері.
Бүгін Қазақстанның тағы төрт қызы әлем чемпионатының алтын медалі үшін шайқасады. Олардың қатарын Алуа Балқыбекова (50 кг), Виктория Графеева (60 кг), Аида Әбікеева (63 кг) және Елдана Тәліпова (+81 кг) түзеді.
