USD
МИНСК. 5 наурыз. Беларусь президенті АҚШ лидеріне Володимир Зеленськийді тұқырта берудің қажеті жоқ екенін айтты. Бұл туралы The Moscow News ақпарына сүйенген rast.kz хабарлайды.
Беларусь президенті Александр Лукашенка (белорусша осылай жазылады. – ред.) АҚШ президенті Дональд Трампқа бейбітшілік келіссөзіне келісім беруіне қол жеткізу үшін украин лидері Володимир Зеленськийді «иілдіре» берудің қажеті жоқ екенін атап көрсетті. «Бұрын иілгіш болмаған Зеленськийді енді иілтем деудің қажеті жоқ. Мұның орнына келісу керек екеніне Зеленськийдің көзін жеткізу керек, себебі, Зеленськийдің артында украиндардың басым бөлігі тұр», – деді Лукашенка америкалық блогер Марио Науфалуге берген сұхбатында.
Ол сонымен бірге АҚШ делдалдық ететін Ресей мен Украина арасындағы бейбіт келіссөзді Беларусьте өткізуге болады. Алайда өзі Мәскеу мен Уашингтон арасында делдалдық етуден бас тартады.
«Келіңіздер. Мына жерде отырамыз. Тыныш, шусыз, айқай-ұйқайсыз келісімге келеміз. Сондықтан Трампқа айтыңыздар: мен оны осы жерде Путинмен және Зеленськиймен бірге күтемін. Бірге отырып, ың-шыңсыз келісім жасасамыз», – деді Лукашенка.
Ол сондай-ақ АҚШ-ты «әлемдегі бірінші мемлекет» деп атап көрсетіп, мұны Мәскеудің түсінетінін айтты. Сосын «Ресей де Құрама Штаттармен жақсы қарым-қатынас орнатуға ұмтылады», – деді ол. Сонымен бірге Лукашенка Ресейдің Украинаға қарсы соғысына кімнің кінәлі екенін іздеп қажеті жоқ деді.
Сөзінің соңында ол Украинадағы соғысты Украинаның қатысуынсыз тоқтату мүмкін емес екенін айтты.
