Батыс елдері Украинаны қорғаудың жаңа жоспарын жасайды
БРЮССЕЛЬ. 19 ақпан. Батыс елдері Украинаның Ресей басқыншылығынан қорғануының жаңа жоспарын жасап жатыр. Бұл туралы Dialog.ua ақпарына сүйенген rast.kz хабарлайды.
Батыс елдерінің жоспарында Украина жеріне қосымша күш ретінде мыңдаған Еуропа және АҚШ әскери қызметкерлерін жіберу бар. Олар төтенше жағдайлар кезінде жедел әрекет ету үшін әкелінеді.
«Батыстың ресми шенеуніктері Украина үшін «сенімділік тобы» (reassurance force) деп аталатын күштік құрылым құрылатын жоспарлары бар екендерін жайып салды», – деп жазды The Times басылымының қорғаныс мәселелері жөніндегі редакторы Лариса Браун өзінің Twitter әлеуметтік желісіндегі парақшасында.
Жоспар Украинаға қолдау көрсетуді арттыруды және Ресейдің үздіксіз агрессиясы жағдайында оның аумағында тұрақтылықты қамтамасыз етуді көздейді. Жарияланған ақпаратқа сәйкес, «сенімділік тобының» құрылымы бірнеше негізгі құрамдастарды қамтиды. Олар Украинадағы маңызды қалаларға, порттарға және маңызды ұлттық инфрақұрылым нысандарына орналасады. Контингентті еуропалық 30 мың әскери қызметкер құрайды. Шенеуніктер елдің шығыс бөлігіне әскер кіргізілмейтінін баса айтты.
АҚШ тарапынан болатын қолдау Американың Румыния мен Польшадағы әскери базалары арқылы жүргізіледі. Олар кез келген жағдайда көмекке келуге дайын болады.
Сонымен қатар, шығыс шекарада төтенше жағдайлар кезінде жедел әрекет ету үшін әзірлік сапында тұратын ірі құрлық әскерлері құрамын жасақтау да жоспарда бар.
