USD
МӘСКЕУ. 4 ақпан. Ресейдің Томск қалалық думасының депутаты Андрей Петров кеңестік диктатор Иосиф Сталинге ескерткіш орнатуды ұсынды. Бұл туралы The Moscow News ақпарына сүйенген rast.kz хабарлайды.
Қалалық думаның КПРФ партиясының атынан сайланған депутаты қала тұрғындары бұл бастаманы қолдайды және сол үшін ақша жинауға дайын дегенді айтты.
«Ұлы Отан соғысы кезінде Иосиф Сталин бас қолбасшы болды. Ұлы көсем Сталинге ескерткіш орнатуды сұрайтын қала тұрғындарының саны артып келеді. «Бұл басқа аймақтарда да жасалды», – деді Петров Томск думасының 1941-1945 жылдардағы жеңістің 80 жылдығына қатысты отырысында.
«Говорит НеМосква» басылымы коммунист депутаттың сандырағын сынға алып, сталиндік қуғын-сүргін кезінде тап осы Томскідегі Каштачная горадағы бір ғана полигонда тоғыз мыңға жуық адам өлім жазасына кесілгенін еске салды. «Олардың арасында, мысалы, ақын Николай Клюев, философ Густав Шпет, князьдер Александр Голицын мен Михаил Долгоруков, ханшайым Ольга Урусова бар», деп нақтылайды журналистер. Әртүрлі уақытта облыста Сиблаг, ТОМАСИНЛАГ және ЧСИР секілді бірқатар еңбекпен түзеу лагерьлері орналасқан.
Депутаттың Сталинге ескерткіш орнату жөніндегі ұсынысына Томск заң шығарушы жиналысының бұрынғы депутаты және оппозиция жетекшісі Алексей Навальныйдың жергілікті штабының бұрынғы үйлестірушісі Ксения Фадеева түсіндірме берді. «Жүздеген мың адамның өмірін қиған тиранға ескерткіш орнату – заман рухына сай кереме, өте өзекті идея. Оны арығына өлімге кесілгендердің денелері лақтырылған Каштачная гораның тап өзіне орнатуға болады. Немесе қуғын-сүргін құрбандарына арналған мемориал тұрған НКВД мұражайына қойсын. Тағы бір ескерткішті атылғандардың жаппай жатқан жерлері табылған (сосын жойып жіберілген) Колпашев жарына қойса, тіпті қатып кетер еді, бұл – өте бір символды болып шығады», – деп жазды ол.
2024 жылдың желтоқсанында тағы бір коммунист, Новосибирск заң шығарушы ассамблеясының депутаты Роман Яковлев өзінің «ВКонтакте» желісіндегі парақшасында әкімдік қалада диктатор ескерткішін орнатуға келісім бергенін жазды. Сонымен бірге, Ресей Федерациясы Коммунистік партиясының Новосібір облыстық комитетінің аумағында Иосиф Сталиннің бюсті бар (ол онда 2019 жылы пайда болған). Қазан айында Вологдада 1911-1912 жылдары қуғында болған Вологда жер аударылғандар үй-мұражайы алаңында тиранның ескерткіші ашылды.
