USD
БРАЗИЛИА. 3 қаңтар. Бразилияда Azerbaijan Airlines (AZAL) компаниясының Embraer 190 ұшағыңың қара жәшіктеріндегі мәліметтерді тексеру қолға алынды. Бұл туралы Oxu.Az ақпарына сүйенген rast.kz хабарлайды.
Аталмыш әуе кемесінің 25 желтоқсан күні қазақтың Ақтау қаласы маңында апатқа ұшырап, 38 адамның жаны алып кеткені мәлім.
Әзербайжанның «Azərbaycan Hava Yolları» компаниясының ұшағы сол күні Бакы қаласынан Ресейдің Грозный шаһарына ұшып шыққан. Бірақ шешендер жағы лайнердің қонуына рұқсат бермеді. Ол жақ бұған сол сәтте украин дрондарының шабуыл жасап жатқанын желеу етті. Мұның орнына төменен лайнерге қарай оқ атылды. Бұдан кейін Россавиа ұшақты Ақтау қаласына қарай сілтеп жіберді.
Бразилияның G1 порталы жазғандай, қазір мамандар борттағы жазғышта қалған мәліметтерді зерттеуге кіріскен. Онымен авиациялық оқиғаларды зерттеу мен оның алдын алу орталығы (CENIPA) айналысуда.
Техникалық мамандар қара жәшіктегі мәліметтерді алу және оларды талдау жолында жұмыс жасайды. Ондағы жазбаларда пилоттардің сөздері және ұшақтың ұшу бағыты бойындағы ақпарат жазылған. Осылар лайнер бағытының қашан, қалай және неге өзгертілгенін, сондай-ақ апатты жағдайда жерге қону сәтін айғақтап бере алады.
Бразилияда сондай-ақ Әзербайжанның, Қазақстанның және Ресейдің өкілдері де бар.
Басылым хабарлағандай, CENIPA мамандары зерттеліп отырған ахуалды компьютерлі технологияның көмегімен қалыпқа келтіріп, осыған байланысты өз тұжырымдарын жасайды. Осы байламдарды зерттеу жөніндегі ақырғы есепке енгізеді, ал оларды жариялау жауапкершілігі Қазақстан тарапына жүктеледі.
