Британ армиясы Путиннің қоқан-лоққысына жауап берілетінін айтты
ЛОНДОН. 5 желтоқсан. Британия бас штабының басшысы РФ президенті Владимир Путинге НАТО-ға шабуыл жасалған жағдайда сұрапыл соққы алатынын жеткізді. Бұл туралы The Moscow News ақпарына сүйенген rast.kz хабарлайды.
Ресей президенті Владимир Путиннің ядролық риторикасы және жаңа «Орешник» зымырандарының қыр көрсете қолданылуы Ұлыбритания бас штабының қатқыл реакциясына тап болды.
Біріккен Корольдік қорғаныс бас штабының басшысы адмирал Тони Радакин RUSI сараптамалық институтында оқыған дәрісі кезінде Ресейдің Ұлыбритания жасаған кез келген шабуылының сол заматында «тиісті жауап» алатынын баяндады.
Оның айтуынша, бұл мәлімдеме қазірдің өзінде Мәскеуге мәлім, сондықтан Путиннің енді Ұлыбританияға немесе НАТО-ға тікелей шабуыл жасауға батылы бару ықтималдылығы өте төмен.
Қазір ядролық қару күштерін тежеуде ұстауды жалғастыра берудің маңызы зор, бұл арсенал «Путинге де қатты ықпал жасайтын болады». Осылай деген адмирал Радакин Британия үкіметінің стратегиялық сүңгуір қайықтар мен зымырандарды күшейтуге айтарлықтай көп ақша бөлгенін, мұны Ресей тарапы өте жақсы білетінін баяндады.
«Соған қарамастан, елдің алдында тұрған міндеттерді «айқын бағалай» білу керек», – деп атап өтті Радакин. Ол әлем ядролық қаруы бар державалардың саны артатын «үшінші атом ғасырында» тұрғанын сөз етті. Атап айтқанда, оның айтуынша, Ресей, Қытай, Иран және Солтүстік Корея ядролық қару қорын көбейтіп келеді және оны одан әрі жалғастырады.
ЦРУ директоры Уильям Бернс АҚШ-тың қазір Путиннің 2022 жылы Украинаға ядролық қару қолдану мүмкіндігінің қандай екенін мұқият талдап жатқанын айтты. Оның сөзіне қарағанда, Уашингтондағылар Кремльдің Украина қарулы күштерінің сәтті қарсы шабуылына байланысты осындай қадамға баруы мүмкін деп есептейді.
