РФ пабликтері: Курск, Белгород және Брянск облыстарында соғыс жүріп жатыр
МӘСКЕУ. 16 тамыз. Ресей таблоидтары қазіргі кезде соғыс жүріп жатқан Курск, Белгород қатарына Брянск облысының да қосылғанын баяндады. Бұл туралы DonPress ақпарына сүйенген rast.kz хабарлайды.
Ресейдің «Кремлевская табакерка» ресурсы кеше Белгород облысының Вязовое селосына украин әскерилері келіп кіргенін жазды. Ол соның алдында алынған Колотиловкадан 3 шақырым жерде.
Курск облысындағы шайқас аудандарының ауқымы төртінші – Глушковский ауданына ұласты. Жергілікті билік аудан тұрғындарын түгел басқа жаққа көшіруге шешім қабылданғанын жариялады. Кремльдің сондағы «басқа жағы» Донецк облысы болып тұрғанға ұқсайды.
Осы тұста Украина Қарулы күштері облыстың тағы бірқатар селоларын басып алды. Украин билігі өз қарауына өткен аудандар тұрғындарын Украинаның Сумы облысы жеріне уақытша көше тұруды ұсынып жатыр.
Бұқаралық ақпарат құралдары Ресейдің 2 мыңға жуық әскериінің украин армиясы тұтқынына түсіп қалғанын жазып отыр.
«Валдайский холодильник» телеграм-арнасы РФ армиясының Брянск облысындағы қорғаныс жағдайы да оншалықты мәз емес екенін атап өтті. Өңірде болған мәнбенің мәліметіне сүйенген паблик «Бізде бәрі жай жаман емес, өте жаман. Унеча мен Злынка әркім жүріп өтетін аулаға айналды. Жауды қарсы аламыз ба? «Самозванец» (шамасы, Путинді айтып тұрса керек – ред.) біздегі түйінді нысандардың бәрін дұшпан жедел бақылауға ала салатындай етуге дейін апарып қойды! Бұдан бұрын жазылған Калининград қазір НАТО солдаттарын құшақ жая қарсы алуға дайын тұр. «Бәрі жоспарға сай жүріп жатқан» сендердегі қандай «СВО», далбайлар?» деп жазды.
Курск облысындағы Кореново елді мекеніне жақын жерде Украина Қарулы күштері Ресейдің колоннасына шабуыл жасап, қатты шығынға ұшыратты.
Осымен бірге Украина Қарулы күштерінің бас штабы 16 тамызға дейінгі тәулік ішінде жаудың қаншалықты шығынға ұшырағанын жариялады. Сол статистикаға сәйкес, украин жауынгерлері басқыншылардың 1330 адамы мен 250-ден аса әскери техникасын жойып жіберген.
Ал Ресей қорғаныс министрлігі тіпті өздерінің 2500-ден аса украин сарбаздары оққа ұшқанын жазып отыр. Бірақ бұл жеңіліп жатқан жақ үшін оншалықты жобаға соғатын мөлшерге ұқсай қоймайды.
