РФ паблигі Путинге жасалған қастандықтың алды алынғанын жазып жатыр
МӘСКЕУ. 15 тамыз. Ресейдің интернет ресурсы РФ диктаторы Владимир Путинді ату және жарып жіберу арқылы құртуға әрекет жасалғандардың жолы кесілгенін баяндады. Бұл туралы «Кремлевская табакерка» ақпарына сүйенген rast.kz хабарлайды.
«РФ президенті Владимир Путинге қастандық жасаудың әрекеттері дайындалды, алайда, ол сәтсіз аяқталды», – деп атап көрсетті ресейлік «Кремлевская табакерка» telegram-арнасы.
Паблик аталмыш оқиға жөніндегі мәліметті өздеріне ФСБ-дағы сенімді төрт мәнбенің жеткізгенін жазады. Олар Кремльдің қожайынын көпшілік арасында өткізіп жатқан кезекті бір шарасы үстінде атып тастау немесе жарып жіберу әрекеттері арқылы жер жастандыруды көздегендерін алға тартады.
«Қаскөйлер Мәскеудегі аудандардың біріндегі жалдамалы пәтерде қастандық жасауға арналған операцияға дайындалған. Олар сол жерде жарылғыш заттарды жинастырып, екі мергендер винтовкасы мен автоматтың бірнешеуін апарып қойған. Өлтіруге әрекет ету жоспары да сол жерде тоқтатылды. Қуанышқа орай, зұлымдыққа жол берілмеді», – деді мәнбелердің бірі.
Басылымның тағы бір мәнбесі қастандық жасауға операциясына оңшыл радикалды топтың бір мүшесі мен Ресей қарулы күштерінің офицері белсене қатысқан. Алайда олардың бұл зымиян пиғылдарын ФСО офицерлерінің бірі біліп қойған. Ол қаскөйлердің бірімен жақсы қарым-қатынаста болыпты. Сол арқылы бұлардың Путиннің көзін жойғылары келіп жүрген жоспарларын сезіп қалыпты.
Ресурс сондай-ақ қастандық жасауға дайындалып жүрген екі азаматтың ұсталу барысында атысуы салдарынан атып өлтірілгендерін атап көрсетті.
Таблоид: «Қымыскерлер жалға алған пәтерден радикалдың күнделігі табылған. Ол онда президенттің өз міндеттерін атқара алмай отырғаны, соның салдарынан Курск облысына украин армиясын жіберіп алғанын, олардың бұдан ары барулары мүмкін екендерін, енді Ресейдің бірнеше бөлікке бөлініп кетіп, территориясынан айрылып қалғалы тұрғанын жазыпты. Қастандық жасауға дайындалушы екеудің қатарындағы офицер Путинді бірнеше рет сынға алып, оның тағайындаған қорғаныс министрі Андрей Белоусовтың «тәжірибелі генералдардың соңдарына түсіп алғанын, өзінің шексіз билікке ие болып алғанын және ешкімге тыныш өмір сүруге мүмкіндік бермей» отырғанына ашу-ыза білдіріпті. Қылмыскерлер жазбада қазір бірнеше жоғары лауазымды әскери қызметкерлердің қамауда отырғандарын айтып өтіпті.
Телеграмм-арна ФСБ ақпаратына сай, қаскөйлердің артында өте ықпалды біреулердің тұрғандарын атап өтеді. Олар «бір адам немесе адамдар тобы болуға тиіс».
Осының негізінде ФСБ: «Сіздер арқылы біз Владимир Владимировичті өлтірмек болғандарға анық сипатта мәлімдеме жеткізгіміз келеді. Біз сендерді тауып аламыз. Сендерді ешқандай жазбалар, ақша немесе погондар қорғап қала алмайды», – деп жазды.
