Бокс: біздің Римма Волосенко олимпиялық турнирде бірінші жеңісіне жетті

БАНГКОК. 27 мамыр. Таиланд астанасындағы Олимпиялық ойындар іріктеу турнирінде қазақстандық Римма Волосенко да өзінің алғашқы айқасын жеңіспен аяқтады. Бұл туралы olimpik.kz ақпарына сүйенген rast.kz хабарлайды.

Квалификациялық турнирде 60 келіге дейінгі салмақта германиялық Мария Фелиситас Гангльбауэрмен кездескен Римма Волосенко қарсыласын ұпай санымен ұтты.

Енді бүгінгі кешкі сессияда 75 келіге дейінгі салмақтағы Валентина Хальзова украин Каролина Махномен ұшырасады. Шайқас 16:45 сағатта басталады. Трансляция Қазақстан Бокс федерациясының Instagram-аккаунты арқылы тікелей эфирде көрсетіледі.

Бұған дейін Назым Қызайбай (50 кг) мен Мұхаммедсабыр Базарбайұлы (63,5 кг) шаршы алаңға шығып, екеуі де қарсыластарын айқын басымдықпен ұтқан болатын.