USD
АСТАНА. 27 мамыр. Таиланд астанасы – Бангкокта өтіп жатқан Олимпиялық ойындардың соңғы екінші іріктеу турнирінде екі қазақстандық қатысатын шайқасты тікелей эфирден көрудің мүмкіндігі туғалы тұр. Бұл туралы Vesti.kz ақпарына сүйенген rast.kz хабарлайды..
Тікелей трансляция Қазақстан Бокс федерациясының Instagram-аккаунты арқылы көрсетіледі.
Бүгін, 27 мамыр күні Қазақстанның әйелдер құрамасының екі өкілі рингке шығады.
Күндізгі сессияда 60 келіге дейінгі салмақтағы Римма Волосенко өзінің сөрелік кездесуін германиялық Мария Фелиситас Гангльбауэрмен өткізеді. Ұрыс Астана уақытымен 11:15 сағатта басталады.
Кешкі сессияда 75 келіге дейінгі салмақтағы Валентина Хальзова украин қызы Каролина Махномен жұдырықтасады. Жекпе-жек 16:45 сағатта басталады.
Бұған дейін Назым Қызайбай (50 кг) мен Мұхаммедсабыр Базарбайұлы (63,5 кг) шаршы алаңға шығып, екеуі де қарсыластарын айқын басымдықпен ұтқан болатын.
Суретте: Валентина Хальзова Астанадағы қазақстандық іріктеу турнирінде
