Ресейлік журналист Ксения Собчак Бишімбаев сотына не үшін келгенін айтты
АСТАНА. 23 сәуір. Ресейлік журналист Ксения Собчак өзінің Қазақстан байтағында жүріп жатқан Бишімбаевтың сот процесіне не үшін қатысқанын айтты. Бұл туралы Aikyn.kz ақпарына сүйенген rast.kz хабарлайды.
Журналист бұл туралы өзінің Telegram-арнасында жазды. Ол тәуелсіз журналист ретінде осы істі басынан бақылап, көлемді материал дайындап жатқанын баяндады.
«Бүгін қазақстандық және ресейлік БАҚ экс-министр Бишімбаевтың сотындағы маған берілген «артықшылық» туралы жазды. Сотта Собчак отырды, қалған журналистер тұрып тамашалады деген сөз айтылып жатыр. Достар, біз бұл тақырыппен көптен бері айналысып келеміз. Алғашқы күннен бастап Салтанаттың қазасы туралы жазып жатырмыз. Бұл туралы үлкен сюжет түсіріп жатырмыз және тәуелсіз журналист ретінде процесті жариялап жатырмыз, ешкіммен байланысымыз жоқ. Бізді сотқа қорғаушы немесе айыптаушы тарап шақырған жоқ. Мен Жоғарғы Сот арқылы аккредиттеу рәсімінен өттім. Менің командам оның баспасөз хатшысымен байланыста болды. Олар бізді қайда отырғызды, сол жерге жайғастық», – деді Ксения Собчак.
Журналист өзі қатысқан сот отырысы туралы міндетті түрде әңгімелеп берететін тәкпір етеді.
Қазір Бишімбаевқа қатысты жүріп жатқан сот процесі күн сайын You Tube әлеуметтік желісі арқылы тікелей эфирден көрсетіліп жатыр. Оны көріп отыруға Қазақстаннан бөлек, АҚШ, Алмания, Ұлыбритания, БАӘ, Түркия, Корея, Ресей, Сакартвело, Молдова, Беларусь, Украина, Өзбекстан, Қырғызстан және Әзербайжан мемлекеттерінің тұрғындары мүмкіндік алды.
Еске сала кетейік, қайғылы оқиға 2023 жылғы 9 қарашада Астанада, бұрынғы Ұлттық экономика министрі Қуандық Уәлиханұлы Бишімбаевтың жеке меншігіндегі «Bau» ресторанында орын алды. Онда әйелі Салтанат Амангелдіқызы Нүкеновамен бірге келіп, бір тәулікке жуық уақыт демалған экс-министр соңында жан төзгісіз қылмысқа барған. Ол жұбайын үздіксіз ұрып-соғып, өлім халіне дейін жеткізген. Таңертең ессіз жатқан әйелге тек кешке бір-ақ «жедел жәрдем» шақырған. Бұл кезде марқұмның әлдеқашан бақилық болып кеткені анықталады. Күдікті тек 11 қараша күні ғана қамауға алынды.
Бишімбаевтың сот процесі 27 наурызда басталды. Істі Астана қалалық сотының төрағасы Айжан Құлбаева қарап жатыр. Сот сондай-ақ сотталушы Қуандық Бишімбаевтың талабы бойынша 12 адамнан тұратын алқабилер сотының қатысуымен өтуде.
Суретте: сол жақтан үшінші – Ксения Собчак
