Орынбор облысында тоған бұзылды: мыңдаған тұрғын үйге тасқын қаупі төнді

ОРЫНБОР. 5 сәуір. Ресейдің Орынбор облысындағы Орск қаласында Өр өзенінің тоғаны жарылды, салдарынан мыңдаған тұрғын үй су астында қалғалы тұр. Бұл туралы The Moscow News ақпарына сүйенген rast.kz хабарлайды.

РФ төтенше жағдайлар министрлігінің мәліметінше, осыған орай 10 мың адам тұратын 4 мың жеке тұрғын үйлер топан судың астында қалып қойғалы тұр. Үкіметтегілер Ескі қала ауданында дария жағалауына төселген тоғанның топырағы қарқынға шыдамай сырғып кеткенін баяндады.

Қазір тұрғындарды қауіпсіз жерлерге көшіру басталды.

Тасқынның қаупі жолай Орынбор қаласына да қауіп төндіруі мүмкін.

Су тасуының зардабы көрші Ақтөбе облысына да тиюі әбден ықтимал екені айтылып жатыр.