USD
МӘСКЕУ. 20 наурыз. Ресей президенті Владимир Путин Федералды қауіпсіздік қызметіне елде соғысқа қарсы болып жүрген барлық «сатқындарды» табуды тапсырды. Бұл туралы The Moscow News ақпарына сүйенген rast.kz хабарлайды.
Кремльдің қожайыны осы арқылы наразылардың бас көтеруімен мемлекет аумағында бұлғақтың орын алып кетуінің алдын алуды бұйырды. Осыған орай қауіпсіздік қызметі Ресейді ішкі және сыртқы қауіптерден қорғау үшін сатқындарды табуы және қатаң жазалауы тиіс. Сонымен бірге елді батыс барлау қызметінен бейтараптандыру керек. РФ президенті сейсенбіде өткен ведомство алқасында сөйлеген сөзінде ФСБ алдына осындай міндеттер қойды.
Путиннің айтуынша, «Ресей халқы ФСБ-дан жау элементтеріне қарсы «нәтижелі шабуыл әрекеттерін» күтуде, ал ел алдында тұрған сын-қатерлер «барлық бағыттар бойынша дәйекті жұмысты» талап етеді.
«Конституциялық құрылысты қорғауды қамтамасыз ететін, экстремизммен күресетін бөлімшелердің алдында жауапты міндеттер тұр, – деді Путин. – Бұлғақ ұйымдастыруға талпыныс жасау, русофобияны қолдану әрекеттерінің бәрінің жолдары кесілуі керек».
Путиннің айтуынша, «экстремизмнің» көріністері бой көрсете қалса, Ресейге қызғанышпен қарайтын Батыстың арнайы қызметтерінің «құлақтары өалқайып» шыға келеді. «Жау бізде мұның бәрі бар екенін және тез дамып келе жатқанын көреді», – деді Путин.
Ол «бұған ФСБ сатқындарды, атап айтқанда, 2024 жылдың көктемінде Украинамен шекаралас аймақтарға шабуыл жасаған және қару-жарақ қоймаларын жоюға және елді мекендерді басып алуға әрекет еткен диверсиялық-барлау топтар мүшелерінің аты-жөндерін толық анықтау керек» дегенді қосты.
