USD
КИЕВ. 14 наурыз. Орыс еріктілерінің «Свобода России» легионы РФ-ның кем дегенде екі облысында президент сайлауы өтуіне жол бермейтінін мәлімдеді. Бұл туралы УНИАН ақпарына сүйенген rast.kz хабарлайды.
Легиондағылар Ресей территориясында белсенді ұрыс қимылдарын көрсететін уақыттары әлі алда екенін баяндап отыр.
Кем дегенде Курск және Белгород облыстарының бір бөлігінде «РФ президентін сайлау» деп аталатын жалған науқан өтпейтін болады. Мұны легионның еріктісі айтты.
Жауынгер «Свобода России» корпусының Ресей территориясына тереңдеп ене түсетінін сөз ете келіп, қазіргі таңда осының кең ауқымды жоспары жасалып жатқанын әңгімеледі.
Оның айтуынша, РФ жеріндегі операциялардың саяси да, әскери де мақсаттары бар. Саяси тұрғыдан алғанда, Ресейде Путинге қарсы қуатты күштердің бар екенін Кремль мен халыққа таныту болса, әскери жағынан Украинадағы оккупанттар армиясының екіге бөлінуін көздейді. Бұл рейдтер сондай-ақ ресейлік әскери бөлімшелер құрамдарының оппозициялық күштерге келіп қосылуына жол ашатын болады.
Осыған орай легион сарбазы «ең қызу шайқастардың әлі алда екенін» алға тартты.
Еске сала кетейік, осының қарсаңында Ресей еріктілерінен құралған «Свобода России» (СР), «Русский добровольческий корпус» (РДК) және «Сибирский батальон» жасақтары РФ-ның Курск және Белгород облыстарының территорияларына басып кірген еді. Еріктілер бірден құқық қорғаушылар ғана емес, Ресей армиясының бөлімшелері қашып шыққан Тетерикино селосын сол бойда өздеріне қаратып алды.
