USD
УАШИНГТОН. 14. АҚШ Сенаты Украинаға, Израильге және Тайванға $95,3 млрд көлемінде әскери көмек беру жайлы заң жобасын ақыры қабылдады. Бұл туралы The Moscow News ақпарына сүйенген rast.kz хабарлайды.
Америка Конгресінің төменгі палатасы шет елдерде ұлттық қауіпсіздікті қамтамасыз етуге жалпы сомасы $95,3 млрд ақша бөлу хақында заң жобасын қабылдап, Украинаға әскери жәрдем беруді жалғастырудың алғашқы қадамын жасады. Жаңа мизамға сәйкес, Украина бұл бөлініп отырған қаржының аса басым бөлігін, $60 миллиардын алады.
«Талқылау 13-і ақпанға қараған түні таң атқанша жүргізілді, басқа елдерге қаржы бөлуге қарсылар бірнеше сағаттап мінбеге шығып алып, заң жобасын тоқтатып тастауға әрекет етті», – деп жазды АР.
Ассошеид Пресс агенттігі олардың қайтадан сыртқа берілетін әскери көмекті шекараны бақылауда реформа жүргізгеннен кейін қолға алу керек екенін айтып тұрып алғандарын атап көрсетті. Мұндай заң жобасы төрт ай бойы жүргізілген келісімнен кейін өткен жексенбіде қолға алынған еді. Алайда оны оншалықты қатқыл емес деп есептеген республикашылар тарапындағы оппозиция құжатты тіпті дауыс беруге де шығартқан жоқ. Осыдан кейін сенаторлар басқа мемлекеттерге тікелей қаржы бөлу жөніндегі бастапқа жоспарға қайтып оралуға шешім қабылдады.
Демократтар ұсынып жүрген бұл заң жобасының қабылдануына қарсы болып келген 49 республикашының Украинаны, Израильді және Тайванды қарулы жаудың алдында қолдаусыз қалдыруға болмайды деп есептеген 22-сі заң жобасы үшін дауыс берді. Нәтижесінде аталмыш заң жобасы 70 сенатордың қолдауымен қабылданып кетті. Сол сияқты 29 депутат қарсы шықты, 1 адам қалыс қалды. Негізі, 100 депутаттың 60-сы дауыс берсе де жетіп жатыр еді.
Украина президенті Володимир Зеленьский заң жобасын қабылдаған сенаторларға алғыс білдірді. «АҚШ-тың қолдауды жалғастыруы Ресей террорынан мыңдаған адамды сақтап қалуға көмектеседі», – деді ол.
