Байден Трамптың одақтастарды қорқытқан мәлімдемесіне жауап қайтарды
УАШИНГТОН. 12 ақпан. АҚШ президенті Джо Байден өзінен бұрынғы мемлекет басшысы Дональд Трамптың мәлімдемесін одақтастарды қорқытудың бір амалы деп атады. Бұл туралы «Украинская правда» ақпарына сүйенген rast.kz хабарлайды.
Бұрынғы президент өзі билік басына қайтып келер болса, бірінші кезекте Құрама Штаттарды НАТО құрамынан шығаратынын мәлімдеді.
Джо Байденнің ойынша, Дональд Трамп Ресейдің агрессиясын «қолдамақ» болып көрініп отырғаны одақтастарды НАТО-ға беретін жарнапұлдары көлемін ұлғайтуға мәжбүр ету ниетінен туған. Ол бұрын президент кезінде де алған мүше елдердің Солтүстік альянсқа беріп келе жатқан қаржылары көлемінің өте аз екеніне талай мәрте шағынған.
The Hill мәтбұғатының баяндауынша, АҚШ президенті: «Дональд Трамптың Путинге соғыс пен зорлық-зомбылықты жалғастыруы, азат Украинаға жасалған дөрекі шабуылды бұдан әрі ұластыруы және оның агрессияны Польша және Балтық елдері халықтарына таратуы үшін жасыл жарық беруге ниетті екенін мойындауы сұмдық қауіпті ой болып табылады», – деген.
Ол Трамптың екінші мерзімге президент болып сайланып кету ықтималдылығы Американың халықаралық қатынастарын бұзып, АҚШ-тың жауларын ынталандыратынын айтып ескертті.
Байден «егео билік басына келген бірінші күннен елді диктатор ретінде билегісі келетіні айтып отырған адам Дөңгелек кабинетке қайта оралатын болса, одан айтып отырғанының бәрін күтуге болатынын жеткізді.
Трамп Оңтүстік Каролинадағы жұртпен кездесуінде өзінің бұрынғы президенттігі тұсында «Ресейдің» Альянс алдындағы қаржылық міндеттемесін орындамай отырған мүше елдердің біріне шабуыл жасауына қолдау білдіретінін айтқанын есіне алды.
Еуропа кеңесінің президенті Шарль Мишель Трамптың сөздерін жауапсыздық деп атады.
Ақ үйдегілер бұрын Трамптың одақтастардың біріне жасалатын РФ шабуылын қолдайтынын айтып қорқытуын «есуастық» деп бағалады.
АҚШ президентінің Дональд Трамп билігі кезіндегі ұлттық қауіпсіздік жөніндегі кеңесшісі Джон Болтон ол билікке қайта келе қалса, айтып отырған мәлімдемелерінің шынға айналып кететініне күмән келтірмейді, АҚШ-ты НАТО-дан шығаруға әрекет жасауы әбден кәдік екенін атап өтеді, сондықтан бұған осы бастан байсалды қарау керек екенін алға тартады.
