USD
ТАШКЕНТ. 25 қаңтар. Ташкенттегі Журналистика және бұқаралық коммуникациялар университетінің ректоры өзбектер мен қазақтар хақында топшылама айтқан орыс тарихшысына жауап берді. Бұл туралы kun.uz ақпарына сілтеме жасаған rast.kz хабарлайды.
Ресей тарихшысы Михаил Смолиннің Орталық Азиядағы ұлттар мен мемлекеттер жайындағы мәлімдемесі өзбек қоғамында өте үлкен резонанс туғызды.
«Егер Әмір Темір болмаса, Ресей де болмас еді», – деп жазды оған қайтарған жауабында Журналистика және бұқаралық коммуникациялар университетінің ректоры Шерзодхон Кудратходжа.
«Мен тарих апологеті, тарих шарлатаны Смолинге өзбек халқының пайда болу тарихы туралы мына кітапты оқып шығуға кеңес беремін. Әмір Темір Тоқтамысты қиратып жеңгеннен кейін (ол іс жүзінде осы арқылы Русьті Орданың езгісінен құтқарды – ред.) орыс жерлері біріге бастады, содан соң сахнаға ұлы кінәздардың бірі шықты. Кім еді ол? Кейін Иван Грозный деген тахаллус алатын Иван IV. Иә, ол ірі мемлекетшіл адам болды, ту-талақай болған жерлердің басын біріктіріп, бір жарым ғасырдан кейін Пётр I-дің тұсында Ресей империясы болып құрылатын Русьтің негізін қалады. Сондықтан енді Мамай, Тоқтамыс, Әмір Темір, Иван Грозный және Пётр I-ді бір-бірімен байланыстырып көрейік. Бұл тарихта ортаңғы буынның маңызы өте жоғары. Егер түркілер болмаса, ұлы Әмір Темір болмаса, Ресей болар ма еді, бүгінгі әлем, бүгінгі дүниетаным болар ма еді? Әрине, болмас еді! Сондықтан артық нәрселерді айтып керегі жоқ», – деп жазды Шерзодхон Кудраткожа.
«Біз білімді болуға және өз тарихымызды білуге тиіспіз», – деді ол соңында. Мұны енді өз отандастарына арнап айтты.
