USD
КИЕВ. 21 қаңтар. Украина президентінің офисіндегілер Кремльдің түпкі мақсаты Украинадан бөлек, барлық посткеңестік елдерге өзінің үстемдігін жүргізу болып отырғанын айтты. Бұл туралы «Диалог.ua» ақпарына сүйенген rast.kz хабарлайды.
Қазір Киев пен Мәскеу арасында бейбіт келісімге келу мүмкін емес, өйткені, Ресей диктаторы Владимир Путиннің тек Украинадан бөлек, бүкіл посткеңестік кеңістікті басып алғысы, сондай-ақ Еуропаға өзінің өктемдігін орнатқысы келеді. Украина президенті офисі басшысының кеңесшысы Михаил Подоляк алманның Bild мағбұғаты журналистерімен кездесуі кезінде осындай пікір таратты. Оның ойынша, «адам егер аз ғана мақсаттарды көздеген болса, бірден бүкіл әлеммен қарым-қатынасын үзіп, өзінің репутациясын құрбан етіп, үлкен соғысқа бел шешіп кіріспейді».
Подоляк осыған байланысты батыстық әріптестерді Украинаға әскери көмек көрсетуді жалғастыра беруге шақырды. Бұл ретте украин әскерлеріне қару-жарақ берудің қалыптасқан тәртібі болуы, яғни баланстың сақталуы керек екенін алға тартты. Ол ондай-ақ жоғары технологиялы қарулардың көптеп берілуін сұрады.
Кеңесші қазір майдан шебінің 1,3 мың шақырымға созылып жатқанын, ал ұрыс қимылдары 600-800 шақырым аралығындағы белдеуді қамтып отырғанын әңгімеледі. Сол сияқты РФ армиясының өткен жылы айтарлықтай табысқа жете алмағанын, керісінше оның сапында қаза тапқандар мен қатардан шығып қалғандар санының әлдеқайда көп екенін баяндады.
Еске сала кетейік, Украина сыртқы барлауы қызметінің басшысы Олександр Литвиненко Украинаны жеңген жағдайда Путиннің алдынан бұрынғы кеңестік республикаларға толық билігін орнатудың нақтылы есігі ашылатынын, ал Украина бұған шыдас бере алса, РФ-ның Оңтүстік Кавказ бен Орталық Азияға ықпалын жоғалтатынын мәлімдеген болатын.
Әлем саясаткерлері мен сарапшылары РФ басқыншы армиясы Украинаны жаулап алған жағдайда, келесі кезектерде Молдова, Грузия, Қазақстан мемлекеттері тұрғандарын, мұның арғы жағында Балтық жағалауы дәулеттеріне аяқ салатынын талай мәрте атап өтті.
Бұған дейін Польша сыртқы істерінің басшысы Радослав Сикорски Еуропа саясаткерлері арасында РФ-мен келіссөз жүргізуді ұсынушыларды қатты сынға алып, өзінің тыныштығы үшін өзгелерді құрбан ете салуға дайын тұратын мұндай «қалтадағы Чимберлендердің» әрдайым кездесіп тұратынын атап өткен болатын.
