Назарбаевтың портреті Алматы метросының қабырғасынан алынды
АЛМАТЫ. 20 қаңтар. Қазақстан экс-президенті Нұрсұлтан Назарбаевтың портреті Алматы метросындағы «Алмалы» станциясының қабырғасынан алынды. Бұл туралы «Азаттық радиосының» дерегіне сүйенген rast.kz хабарлайды.
Полотно 2011 жылдың желтоқсан айында метро ашылған кезде осы жерден орын алған еді.
Портретті суретшілер Ғазиза Ешкенова мен Айдар Жамхан салған. Ол витраждық панноны бергі жағынан жауып тұратын. Енді картина толық ашылды.
Алматы метросының баспасөз қызметі портреттің жақтауы мен әйнегі шағылғандықтан алынғанын айтты. Бірақ Назарбаев рәсімінің қайта ілінер-ілінбесі белгісіз.
Осы айдың басында Астанада ұлттық қорғаныс университетінің алдынан Назарбаев ескерткіші алынған болатын. Қорғаныс министрлігінің мәліметінше, ескерткіш қорғаныс министрлігінің әскери-тарихи музейіне көшірілген. Ведомство өкілдері былтыр желтоқсанда университет атауынан «Қазақстан Республикасының тұңғыш президенті – Елбасы атындағы» сөзі алынғанын алға тартты.
Сарапшылар Қазақстанды 30 жылға жуық басқарған Нұрсұлтан Назарбаев тұсында елде жеке басқа табыну өршігенін айтып жүр. Елдің түрлі аймақтарында Назарбаев ескерткіштері мен мүсіндері ашылып, университет, қала, көше атауларына соның есімі берілді. Елде оны мадақтайтын жырлар, өлеңдер, кітаптар басылды. Кемінде 238 адамның өмірін қиған Қанды қаңтардан кейін елде бұрынғы президенттің ықпалы әлсірегені байқала бастады. Сол бүлік кезінде Талдықорғанда оның ескерткіші құлатылды. Мұның халық жасады, Сол сияқты осы оқиға салдарынан экс-президент айналасындағы адамдардың кейбірі қызметтен алынып, кейбірі қамалды. Бұрынғының беделін әлсірететін бірқатар заңнамалық бастамалар көтерілді. Экс-президент «елбасы» мәртебесінен де айрылды. «Бірінші президент – Елбасы туралы» заң Назарбаевтың жеке басына ғана емес, оның жақын туыстарына да құқықтық иммунитет берген еді .
