USD
БУДАПЕШТ. 20 қаңтар. Әлемге әйгілі қазақ әншісі Димаш Құдайберген испан опера әншісі Пласидо Домингомен бірге сахнада өнер көрсетті. Бұл туралы Halyq Uni ақпарына сүйенген rast.kz хабарлайды.
Мұны әншінің өзі әлеуметтік желідегі парақшасында жазып, видео жариялады.
Өнерпаздар VIRTUOSOS V4+ бірегей форматтағы классикалық музыка саласы бойынша халықаралық байқау финалында бірге өнер көрсетті.
«Будапештте өтіп жатқан байқауда Пласидо атамызбен Жорж Бизенің «Pearl fishers» операсынан Надир мен Зурганың ариясын орындадық», – деп жазды Димаш Құдайберген.
Бұған дейін испанның атақты әншісі Пласидо Доминго немересі әкеп берген видеоны көріп шыққаннан кейін Димашпен қосылып, дуэт болып ән салғысы келетінін мәлімдегені жайлы ақпар тараған еді. Оған қазақ әншісі қуана келіскені де аян. Содан соң екі әншінің кездескені де белгілі болған
Міне, енді екі керемет әншінің сол армандары орындалды. Осылайша 82 жастағы Пласидо Доминго мен 29 жастағы Димаш Құдайберген бірге шырқап, өз тыңдаушыларын шексіз қуанышқа бөледі.
