USD
КИЕВ. 31 желтоқсан. Ресей басқыншылары 30 желтоқсан күні кешке Харьков қаласының орталығын атқылаудың астына алды. Бұл туралы The Moscow News ақпарына сүйенген rast.kz хабарлайды.
Кремль бұдан бір күн бұрын Украина Қарулы күштерінің Белгородты атқылауына осылай жауап қайтарды. Осы сәттерде қалада қаза тапқан адамдардың санының 24-ке жеткені белгілі болды.
«Ресей армиясы 30 желтоқсан күні кешке Харьковтегі «шешім қабылдау орталығы мен әскери нысандарына» шабуыл жасап, Украина Қарулы күштері мен бас барлау басқармасының «Белгородтағы терактіні дайындауға және жүзеге асыруға тікелей қатысқан» өкілдерін жойып жіберді», деп мәлімдеді РФ қорғаныс министрлігіндегілер.
Ведомствоның мәліметінше, «шешім қабылдау орталығы» дегеніңіз «Харьков-Палас» мейманхана кешені болған сияқты – Белгородтың атқылануына жауаптылар, барлаушылар мен әскерилер, сондай-ақ Ресейдің Украинамен шекаралас өңірлерінде «террорлық рейдтер өткізуге тартылған екі жүз шетелдік жалдамалы» тап сол жерде жиналып отырған сияқты.
«Ресей армиясы Харьковке 30 желтоқсан күні кешке шабуыл ұйымдастырды. Нәтижесінде 28 адам жарақат алды, олардың қатарында екі бала бар», деп хабарлады Украина ұлттық полициясы.
Ресейлік басқыншылар жіберген ракеталар көп қабатты үйлерге, балалар бақшасына, медициналық мекеме мен «Харьков-Палас» қонақ үйіне түсті. Соққылар «Искандер» және С-300 кешендерінен берілді. Қалаға сондай-ақ дрондар шабуыл жасады.
