Шойгу Украинадағы соғысқа биыл 4 мың студент аттандырылғанын айтты
МӘСКЕУ. 19 желтоқсан. Ресей қорғаныс министрі Сергей Шойгу 2023 жылдың басынан бері украин жеріндегі майдан даласына 4 мыңнан астам студенттің жіберілгенін баяндады. Бұл туралы The Moscow News дерегіне сүйенген rast.kz хабарлайды.
Қорғаныс министрлігінің бүгін өткен кеңейтілген алқа мәжілісінде сөз сөйлеген ведомство басшысы олардың «өз еріктерімен академиялық демалыс алып, жауынгерлік міндеттерін орындауға қуана аттанғандарын» тәкпір етті.
Шойгудың айтуынша, осы кезге дейін 650 мыңнан астам әскери қызметкер Украина жерінде соғыс тәжірибесін алған. «Қазіргі таңда Ресей армиясы әлемдегі ұрыс қимылдары жағдайында сыннан өткен алдыңғы қатарлы қару-жарақтары бар ең дайындығы жоғары және соғысуға қабілетті әскери құрылым болып табылады», – деп аяқтады ол сөзін.
Ресей әскери комиссариаттары 2023 жылдың басынан бастап жоғары оқу орындары бітіруші курстарының студенттерін ұрыс қимылдарына қатысуға шақыруды қолға алды.
