Кадыров: үш әйел деген – жақсы, ал төрт әйеліңнің болуы – толық бақыт
ГРОЗНЫЙ. 14 желтоқсан. Шешенстан лидері Рамзан Кадыров өңір тұрғындарымен жүргізген тікелей эфир хабары барысында үш әйел алудың жақсы екенін, төрт әйелдің бақытқа жеткізетінін айтты. Бұл туралы The Moscow News ақпарына сілтеме жасаған rast.kz хабарлайды.
«Дон-дон» тұрғындардың бірінің сауалына осылай жауап қайтарды.
«Екі қатын алғаның сенің нағыз еркек екеніңді айғақтайды. Үшеу болса – жақсы. Төртеу деген – шын бақыт. Біздің пайғамбарымыз солай деген», – деді Рамзан. Ол сондай-ақ «осы өмірді және сұлу әйелдерді жақсы көретінін», бірақ «дінге шексіз берілген» адам болып қала беретінін мәлімдеді.
Ресейде көп әйел алушылыққа ресми түрде рұқсат етілмеген, алайда заңнамада оны айыптайтын да бап жоқ. Сондықтан іс жүзінде мұндай «некелер» аз кездеспейді: олар мемлекеттік органдарда тіркеле алмайды, бұлары тек мұсылманшылық дәстүрі тұрғысынан ғана заңды болып саналады.
Рамзан Кадыров әр жылдары бірнеше рет көп әйел алушылықты мемлекет мизамымен заңдастыруға шақырды. Осылайша ол 2006 жылы еркектің егер әл-ауқаты жететін болса, төрт әйелге дейін алуы керек екенін мәлімдеген еді.
