Еурокомиссия ЕО-ға кіру үшін Украинамен келіссөзді бастауды ұсынды
БРЮССЕЛЬ. 8 қараша. Еуропа комиссиясы Еуропа одағына кіру үшін Украинамен және Молдовамен келіссөз жүргізуді бастауға ресми түрде ұсыныс жасады. Бұл туралы The Moscow News дерегіне сүйенген rast.kz хабарлайды.
Сәрсенбі күні мәлім болған ақпарда кандидаттарға әлі де бірқатар реформалар сериясын өткеру керек екені ескертілді. Еурокомиссия 2024 жылғы наурызда ЕО алдында есеп бергенге дейін осыған байланысты болып жатқан ілгерілеушілікті қадағалап отырады. Сол уақытта келіссөздер басталып кетуге тиіс.
ЕК құжатында атап көрсетілгендей, «Еуропа одағын кеңейту құрлықта ұзақ уақыт тұрақтылықты, бейбітшілікті сақтаудың және өркендеудің», сондай-ақ геостратегиялық инвестициялардың «қозғаушы күші» болып табылады, деп жазады Bloomberg.
Бұдан алдын комиссия райысы Урсула фон дер Ляйен Еуропа одағының Шығыс Еуропа елдерінің Ресейдің ықпалына түсулеріне жол бере алмайтынын мәлімдеген болатын. Оларды Еуропа одағына қабылдау демократияны, құқықтың үстемдік алуы мен іргелі құықтарды құрметтеу қозғалысының қуатты құралы» болмақ деп есептейді Еуропа комиссия басшысы.
Ол сондай-ақ соңғы уақыттары грузин (картвель) билігі антидемократиялық қадамдарға барып жүргеніне қарамастан, Грузияға ЕО-ға мүшелікке кандидат мәртебесін беріп, барынша көп реформа жүргізулеріне жол аш керек дегенді айтты.
