Ол бұған дейін «Өзін-өзі тану» пәні бойынша «мұғалімдердің біліктілігін арттыра алатын» мекеме ретінде жарияланған болатын.
«Төмендегі мемлекеттік нысандардың, мемлекеттік заңды тұлғалардың, мемлекет қатысатын заңды тұлғалардың ұсыныстары бойынша атауларын өзгерту туралы оң қорытынды берілсін: Қазақстан Республикасы Ғылым және жоғары білім министрлігінің ұсынуы бойынша (…) «Адамның үйлесімді дамуы ұлттық институты» ендігі жерде «Өркен» балалар салауаттылығы ұлттық ғылыми-тәжірибелік институты» болып өзгертілсін» делінген hеспубликалық ономастикалық комиссияның қорытындысында.
Сонымен қатар, комиссия басқа да біраз атауды өзгертуге рұқсат берді.
Олардың қатарында мыналар бар:
– Рудный индустриалды институтын Рудный индустриалды университетіне;
– Бауыржан Момышұлы атындағы Алматы республикалық «Жас Ұлан» мектебін Бауыржан Момышұлы атындағы әскери колледжге;
– Екі мәрте Кеңес Одағының Батыры Талғат Бигелдинов атындағы Қарағанды республикалық «Жас Ұлан» мектебін Талғат Бигелдинов атындағы әскери колледжге;
– Кеңес Одағының Батыры Сабыр Рахымов атындағы Шымкент республикалық «Жас ұлан» мектебін Сабыр Рахымов атындағы әскери колледжге;
– Ішкі істер министрлігі Қылмыстық-атқару жүйесі комитетінің Оқу орталығын Ішкі істер министрлігінің Оқу орталығына;
Сол сияқты Электр энергиясы нарығының қазақстандық операторы Электр энергиясы мен қуаты нарығының қазақстандық операторы атауына көшті.
Еске сала кетейік, «Адамның үйлесімді дамуы ұлттық институты» бұған дейін «Өзін-өзі тану» пәні бойынша «мұғалімдердің біліктілігін арттыра алатын» мекеме ретінде жарияланған еді. Оның да авторы Сара Назарбаева болатын.
Ал «Адамгершілік-рухани құндылықтарды жаңғырту жобасы» ретінде белгіленген пән бұған дейін Қазақстан мектептері үшін міндетті пәндер тізімінен шығарылды.
