Пара былығымен айыпталған «Барселона» Ла Лигадан шығарылуы мүмкін
ЖЕНЕВА. 29 қыркүйек. Федерация өкіліне пара бергені жайы тексеріліп жатқан «Барселона» футбол клубына Ла Лига мен Еуропа кубоктарынан шығып қалу қаупі төніп тұр. Бұл туралы sport-express.ru дерегіне сілтеме жасаған rast.kz хабарлайды.
Испанның «Барселона» командасына Испания Футбол федерациясы Корольдік төрешілер техникалық комитетінің бұрынғы вице-президенті Хосе Негейраны сатып алған деген айып тағылып отыр.
Мәліметтерге сәйкес, Барселона тергеу сотының басшысы Хоакин Агирре істі жүргізу , нәтижесінде каталониялық клубтың Хоакин Негейраға 7,5 млн еуро төлеуін қылмыс деп есептеді. Сол сияқты Негейраның өзі, оның ұлы және «Барселонаның» бұрынғы президенттері Жозеп Бартомеу мен Сандро Россель пара былығы бойынша айыпталып, жазаға тартылмақшы.
Соттың позициясына сәйкес, бірде-бір лауазымды тұлға өзінің міндеттерін атқарғаны үшін қосымша ақы алмауға тиіс. Енді сот «Барселонаның» кінәсін дәлелдеп шығатын болса, клуб Ла Лигадан шығарылып, Испания чемпионатындағы күші жағынан екінші дивизион – сегунда лигасына төмендетіліп жіберілуі және Еуропа кубоктарына қатысудан аластатылуы ықтимал.
«Барселонаның» пара былығына ұшырағаны жөніндегі күдік биылғы наурыз айында пайда болды. Сол кезде клуб тарапынан Негейраға ақы төленгені жайында қауесет тарады. Сол айдың соңында УЕФА осы фактіні тексеруді қолға алды. Оның нәтижесі артынан сотқа дейін жетіп отыр.
